Мадриднинг “Реал” клуби бош мураббийи Карло Анчелотти Бразилия футбол конфедерацияси (CBF) вакили ҳамроҳлигида Лондонда бўлиб ўтган учрашувда пентакампеонлар бош мураббийлигига оид таклифни рад этди. Бу ҳақда Испаниянинг Marca нашри хабар берди.
Манбага кўра, италиялик мутахассис CBF президенти Эдналдо Родригес билан боғланиб, билдирилган қизиқиш учун миннатдорлик билдирган. Ҳозирда эса Анчелотти Саудия Арабистонининг номи ошкор этилмаган клубидан олинган жиддий таклифни кўриб чиқмоқда.
Таъкидланишича, Карло Анчелотти Клублар ўртасидаги Жаҳон чемпионатида “Реал”ни бошқаради ва ушбу мусобақадан сўнггина клубни тарк этиб, бошқа жамоа билан шартнома имзолаши мумкин.
Шунингдек, Анчелотти “Реал”дан 4 миллион евро миқдорида компенсация сўрагани, бироқ клуб бу талабни рад этгани маълум қилинмоқда. “Қироллик клуби” италиялик мутахассис қолган 1 йиллик шартномасидан ўз ихтиёри билан воз кечади, деб ҳисобламоқда.
Изоҳ (0)