Ёзги трансфер ойнасида Мадриднинг “Реал” клуби мураббийлар штабида ўзгариш бўлиши мумкин. Амалдаги бош мураббий Карло Анчелотти ўрнига Германиянинг “Байер” клубида фаолият юритаётган Хаби Алонсо номзод сифатида кўрилмоқда.
Defensa Central нашрининг хабар беришича, Алонсо “Реал” раҳбариятига аниқ талаб қўйган. 43 ёшли мутахассис май ойида келажаги борасидаги масала ҳал этилишини истамоқда. Агар бу муддатга қадар келишувга эришилмаса, у кейинги мавсум учун “Байер” билан тайёргарлик кўришни бошлаб юборади.
Маълумот учун, Хаби Алонсонинг “Байер” билан амалдаги шартномаси 2026 йилнинг ёзигача мўлжалланган. Карло Анчелоттининг Мадрид клуби билан тузган битими ҳам шу муддатгача амал қилади.
Агар “Реал” раҳбарияти Алонсо билан келишувга эришмоқчи бўлса, тезроқ қарор қабул қилиши талаб этилади. Акс ҳолда мадридликлар бошқа мураббий номзодини кўриб чиқишга мажбур бўлади.
Изоҳ (0)