Ucell уяли алоқа оператори “ИННОPRОМ. Марказий Осиё” халқаро саноат кўргазмасининг бешинчи юбилей сонида иштирок этди. Компания йирик корпоратив мижозлар учун инновацион ечимларни намойиш этди. Улар қаторига скоринг тизими, ходимларни назорат қилиш, Ucell’нинг маълумотларни қайта ишлаш маркази, буюмлар интернет, булутли технологиялар, бизнеснинг рақамли трансформацияси ҳамда 5G юқори тезликдаги интернет хизматлари киради.
Компания Бош директори Андрей Шишковский шундай дейди:
“Биз мамлакат рақамли иқтисодиётини ривожлантириш йўлида инновацион ечимлар орқали технологик етакчиликка интилмоқдамиз. Ушбу кўргазма “ноанъанавий телеком” ечимларини намойиш этиш: банклар ва микрокредит ташкилотлари учун скорингдан тортиб, катта ҳажмдаги маълумотлар билан ишлашгача бўлган кенг кўламли B2B хизматларини кўрсатиш имконини беради”.
Ucell ИННОPRОМ кўргазмасида бизнес учун юқори тезликдаги интернетни таъминловчи ноёб ечимни тақдим этди. Таклиф этилаётган тўпламга 5G роутер ва “Чексиз” тариф режаси киради. Ушбу ечим 120 метр радиусда интернет тарқатиш имконини беради ва бир вақтнинг ўзида 64 тагача қурилмани қўллаб-қувватлайди. Бу эса бизнеснинг ортиб бораётган эҳтиёжларига тўлиқ жавоб беради.
10 миллиондан ортиқ мобил абонентлари билан Ucell Ўзбекистон телекоммуникация бозорида етакчи ўринни эгаллайди. Компания мамлакатдаги етакчи корхоналар билан муваффақиятли ҳамкорлик қилиб, уларнинг рақамли трансформациясини илгари суришда замонавий ечимлар билан таъминлаб келмоқда.
Speedtest Intelligence халқаро компанияси Ookla маълумотларига кўра, Ucell 2024 йил якунларига кўра Ўзбекистонда мобил интернет тезлиги бўйича етакчи дея эътироф этилди.
Реклама ҳуқуқи асосида.
Изоҳ (0)