Мадриднинг “Реал” клуби бош мураббийи Карло Анчелотти ўзининг клубдаги келажаги борасида фикр билдирди.
Италиялик мутахассис мавсум якунлангач, ўзининг келажаги муҳокама қилинишини айтди:
Мен келажагим ҳақида ҳозирча ҳеч нима демоқчи эмасман. Чунки клуб билан шартномам бор. Мавсум якунланса, кейин кетиш ё қолишимни кейин муҳокама қилишимиз мумкин. Клуб мени ҳар доим қўллаб-қувватлайди, айниқса оғир паллаларда улар мен билан эканлигидан хурсандман, дейди Анчелотти.
Аввалроқ, италиялик мураббий мавсум якунида “Реал”дан бўшатилиши мумкинлиги ҳақида хабарлар пайдо бўлганди.
Эслатиб ўтамиз, Карло Анчелотти 2021 йилдан бери “қироллик клуби”ни бошқариб келмоқда. Унинг “Реал” билан амалдаги шартномаси 2026 йилгача мўлжалланган.
Маълумот учун, Чемпионлар лигаси чорак финалининг биринчи баҳсида Анчелотти жамоаси “Арсенал”га 0:3 ҳисобида мағлуб бўлди. Шундан кейин мутахассис ишдан кетиши ҳақида миш-мишлар тарқалган эди. Ушбу жамоалар ўрртасидаги жавоб ўйини 16 апрель куни бўлиб ўтади.
Изоҳ (0)