Мадриднинг “Реал” клуби ёзда Карло Анчелотти билан шартномани бекор қилиши мумкин. Агар жамоа Испания чемпионати ва Чемпионлар Лигасида ғалаба қозонмаса, италиялик мутахассиснинг жамоада кетиш эҳтимоли ошади.
“Реал” Анчелоттига ўринбосар ҳам топган. Фичажес нашрининг маълумотига кўра, “қаймоқранглилар” ёзда жамоа бошқарувига Зинедин Зиданни таклиф қилиши мумкин. Агар бу амалга ошса, франциялик мураббийнинг Мадрид жамоасига 3 марта қайтиши бўлади.
Зидан “Реал”ни 4 йил олдин тарк этган ва шундан бери ҳеч қайси жамоани бошқармади. Миш-мишларга кўра, у 2026 йилги Жаҳон чемпионатидан кейин Франция терма жамоаси бош мураббийи Дидье Дешам ўрнини эгаллаши айтилмоқда.
Мадрид клуби мураббийлик постига Хаби Алонсо келиши ҳақида ҳам хабарлар мавжуд, бироқ испаниялик мутахассис яна бир мавсум “Байер”да олишни режалаштираётгани маълум қилган. Шу боис “Реал” Зиданни 3 марта ортга қайтаришга ҳаракат қилиб кўради.
Манбада “қироллик клуби” яқин ойлар ичида якуний қарорини қабул қилиши ва томонлар музокара ўтказиши ҳақида маълум қилган.
Изоҳ (0)