“Қўрғон сирлари” сериали бош қаҳрамонлари Мерт Рамазон Демир, Афра Сарачоғлу, Берил Позам ва бошқа ижрочилар бутун дунё томошабинлари қалбини забт этди. Табиийки, улар суратга олиш майдонидаги ишқий саргузаштлари ҳақидаги турли миш-мишлардан қочиб қутула олмади. Мақолада “Қўрғон сирлари” юлдузларидан қайси бири сериал туфайли севгисини топгани, кимнинг шахсий ҳаёти ундан ташқарида экани ҳақида сўз юритамиз.
Сейран ва Ферит — Афра Сарачоғлу ва Мерт Рамазон Демир
Уч мавсум давомида жуфтлик жанжал, хиёнат ва бир неча ажралишларни бошдан кечиради, бироқ охир-оқибат муносабатларининг қадрини тушуниб етади. Аммо бош қаҳрамонларнинг севгиси экрандан ҳақиқий ҳаётга кўчди. Миш-мишларга кўра, Мерт Рамазан Демир Афра Сарачоғлуни дўсти Мерт Язижиўғлудан тортиб олган. Актёрлар муносабатларини расман тасдиқлашмаган бўлса-да, уларнинг таътилдаги суратлари бунинг аксини кўрсатади.
Афранинг мухлислари аллақачон тўй ҳақидаги хабарни кутишаётганди. Бироқ 2025 йил февраль ойида машҳурлар ижтимоий тармоқларда бир-бирини кузатишни тўхтатишди, Рамо эса ҳозирда Туркия армиясида хизмат қилмоқда.
Сарачоғлу эса аллақачон мисрлик тадбиркор Муҳаммад Ал-Алусий билан муносабатда экани ҳақида гап-сўзлар тарқалди. Бошқа манбалар эса Мерт Рамазон ва Афранинг тўйи сентябрь ойига режалаштирилганини, ўшанда йигит ҳарбий хизматни тугатиб, уйга қайтишини таъкидлашмоқда.
Суна ва Абидин — Берил Позам ва Эрсин Аричи
Суна ва Абидин ҳам кўп синовлардан ўтишларига тўғри келади, жумладан, қиз икки марта вақтинчалик никоҳни ҳам бошдан кечиради.
Кўплаб турк машҳурлари сингари Берил Позам ва Эрсин Аричи ҳам шахсий ҳаётлари ҳақида сўз очишни хоҳламасди. Шунингдек, Берил жиддий муносабатларга тайёр эмаслигини таъкидлаган эди. Бироқ 2024 йил август ойида актриса “Қўрғон сирлари” фильмидаги содиқ Абисига турмушга чиқди. Миш-мишларга кўра, эр-хотин яқин орада тўнғич фарзандларини кутишмоқда.
Гулгун ва Ўрхон — Гедзе Кансу ва Эмре Алтуғ
Бу қаҳрамонларни бахтли жуфтлик деб бўлмайди. Гулгун ва Ўрхон севги туфайли эмас, балки манфаат юзасидан турмуш қурган. Гулгун ишламайди, ўғиллари билан дўстона муносабат ўрнатишга ҳаракат қилади. Ўрхон Корхон эса Гулгунга хиёнат қилади, Гулгун бунга кўз юмади.
“Қўрғон сирлари” сериалининг биринчи мавсумида Гедзе Кансу ва Эмре Алтуғ қаҳрамонлари ўртасида пайдо бўлган муносабат актёрлар ўртасида муҳаббат борлиги ҳақида миш-мишларга сабаб бўлди. Аммо улар фақатгина кўп йиллардан бери бир-бирини яхши биладиган дўстлар эканлигини таъкидлашди.
44 ёшли Гедзе Кансу турмуш қурмаган, фарзандлари йўқ, бироқ актриса бу ҳақда ташвишланмайди, чунки унинг авлодидаги аёллар кечроқ оила қуришган.
Эмре Алтуғнинг шахсий ҳаётига келсак, у Чағла Шикел билан турмуш қурган эди. “Туркия гўзали” унвонига сазовор бўлган Чағла Эмрега икки ўғил туҳфа этган. Эмре рафиқаси билан ажрашганидан сўнг ҳам фарзандлари билан алоқасини сақлаб қолган. Туркияда мусиқачи сифатида танилган Алтуғ шахсий ҳаёти ҳақидаги тафсилотларни ошкор қилмайди.
Ифакат — Гулчин Сантиржиоғлу
Холис оғанинг тўнғич ўғлининг беваси Корхонлар хонадонидаги асосий фитначи аёл ҳисобланади. Ифакат марҳум эрининг укаси билан яширин муносабат ўрнатади. Бу ҳақда Ўрхоннинг хотини Гулгун шубҳаланади, кейинчалик эса Сейран ва Ферит ҳам билиб қолади.
Актриса Гулчин Сантиржиўғли узоқ вақт давомида шахсий ҳаётини қизиқувчан нигоҳлардан эҳтиёткорлик билан яшириб келди. 2023 йилда актрисанинг муҳандис ва ёзувчи Иброҳим Утку Башязижи билан турмуш қургани маълум бўлди. Жуфтлик ҳозирча фарзанд кўришни режалаштирмаяпти.
Холис Оға — Четин Текиндор
Холис Корхон ролини ижро этган Четин Текиндорнинг ўзи ҳам мураккаб табиатли одамдек кўринади. Маълум бўлишича, у севгилиси Зарринга икки марта уйланган экан. Биринчи никоҳ тўққиз ойга ҳам етмай тугаган, иккинчи марта эса эр-хотин ўғиллари Хира туғилгандан сўнг ажрашган. Ҳақиқий Холис оға оммавий ахборот воситалари билан ортиқча мулоқотдан ўзини олиб қочади.
Изоҳ (0)