Севимли турк сериалингиз қанчалик яхши бўлмасин, қайсидир лаҳзада у жаҳлингизни чиқара бошлайди. Дўстларингиздан кимдир турк сериалларини кўришни маслаҳат беради, аммо сиз битта эпизодни зўрға охиригача кўрасиз. Ҳа, ҳаммага ҳам дизилар ёқвермайди ва бунинг объектив сабаблари бор.
1. Жуда кўп кўз ёши
Албатта, деярли ҳар бир турк сериалида, ҳатто комедия романтикаларида ҳам асосий қаҳрамонлар, албатта, йиғлайди, бу эса бир неча марта такрорланади. Албатта, ҳис-туйғуларни кўрсатиш орқали томошабин қаҳрамонларнинг нимани бошдан кечираётганини тушунади, лекин нима учун ҳамма ва доим йиғлайди? Айниқса, йиғлаётган эркаклар томошабинларнинг энсасини қотиради. Мисол учун, “Қўрғон сирлари”да Абидин ҳам, Ферит ҳам, дастлаб “ёмон” деб ҳисобланган Кайи ҳам йиғлайди.
2. Эпизодларнинг ҳаддан ташқари узунлиги
Кўз ёшлари сериалларни 2,5 соатгача чўзиш учун ажойиб “восита” ҳисобланади. Бир эпизод ўртача шунча давом этади, лекин баъзи продюсерлик компаниялари расмий каналларда қисқартирилган версияни чиқаришади ва сериалнинг асосий воқеалари бир соатга сиғади. Аслида шундай қилиш мумкин экан, лекин нега Туркияда ҳеч ким эпизодларни қисқартиришни хоҳламайди?
3. Сериал ичидаги рекламаларнинг кўплиги
Сериалларда реклама яширилмайди ҳам, очиқчасига кўрсатилади. “Қизил шарбат” сериалининг бир қисмида Кивилжим машинасидан шунчалик узоқ тушадики, камеранинг диққат марказида машина модели туради, натижада ҳамма тушунади: орзудаги автомобиль — мана шу, сотиб олиш керак бўлган машина. “Қўрғон сирлари” сериалининг иккинчи мавсумида Кая фойдаланадиган аэрогрил Таро Эмир Текиннинг бутун лойиҳа давомида олган вақтидан кўра кўпроқ экран вақтига эга.
4. Стандарт сюжетли бурилишлар
Бу ерда ҳеч қандай изоҳ йўқ. Амнезия мавзуси лойиҳадан лойиҳага кўчиб юради, бу жуда кутилган ва бир хил оқибатларга олиб келади. Афтидан, Сейран ҳам сериалнинг учинчи мавсумида хотирасини йўқотади. Агар сюжет шундай давом этса, ажабланмас ҳма бўлаверади.
Бироқ қанчалик кўп сериал томоша қилган бўлсангиз, кейинги эпизодда нима бўлишини осонликча тахмин қилиш эҳтимоли шунчалик юқори бўлади. Ҳа, ҳар қандай лойиҳа учун янги эпизод спойлерлари айнан шундай пайдо бўлади. Кимдир ҳақиқатда суратга олиш майдонига яқин ва сценарийнинг қисмларини кўрган бўлиши мумкин, лекин аксарият одамлар шунчаки сюжет қандай ривожланишини тахмин қилишади.
5. Мантиқсиз сюжет чизиқлари
Ҳар қандай одамни мантиқсизлик ҳафсаласини пир қилади. Турк сериалларида бу жуда кўп учрайди. Уларнинг аксариятида муҳим деталларга эътибор берилмайди, диққат билан яратилган интригалар қаергадир йўқолиб кетади, изоҳларни томошабинлар ўзларича ўйлаб топишга мажбур, чунки ссенаристлар ўзлари ёзган сюжет чизиқларига шунчаки эътибор бермай қўйишади. Лекин бундай эътиборсизликнинг натижаси ҳар доим бир хил бўлади: ҳамма севган қаҳрамонлар ҳам бундай сюжет ичига тушиб қолса, томошабинларни асабийлаштира бошлайди.
6. Сериал давомида асосий қаҳрамонларнинг йўқолиб қолиши
Ҳаммамиз тушунамиз, шоу-бизнес – нозик иш. Баъзида актёрлар лойиҳани давом эттиришдан бош тортишади, баъзида эса жанжаллар туфайли юлдузни лойиҳадан олиб ташлашга тўғри келади. Бироқ томошабинларни уларнинг “севимли қаҳрамони”дан маҳрум қилиш адолатдан эмас. Масалан, “Ёввойи” сериалидаги Рўёнинг ўлимини баъзи турк инсайдерлари актрисанинг сериал ижодкорлари билан жанжаллашгани билан изоҳлашди. Актриса сериал билан боғлиқ бўлган барчани ижтимоий тармоқларидан ўчириб ташлади. Демак, у сериални ўз хоҳиши билан тарк этгани эҳтимолдан йироқ, уни кетишга мажбур қилишган бўлиши мумкин.
Таро Эмир Текин “Қўрғон сирлари” сериалининг учинчи мавсумида мухлисларини “бомба” кутаётганини ваъда қилган эди. Ҳа, айнан шундай бўлди: Каянинг сериалдан кетиши томошабинлар кайфиятига жиддий таъсир кўрсатди. “Элчининг қизи” сериалидаги Нарени эслайлик. Асосий қаҳрамон саломатлиги туфайли (хабар қилинишича) лойиҳадан чиқарилди, аммо компания сериални суратга олишда давом этди. Наҳотки улар шунчаки Неслиҳан Атагул билан келишиб, сериални асл актёрлар таркиби билан якунлай олишмаган бўлса?
7. Тезлаштирилган хотима
Агар лойиҳа давомида барча воқеалар жуда секин ривожланса, финалда ҳаммаси бир лаҳзада содир бўлади. Бир мавсум давомида ҳикоя қилиниши керак бўлган барча муҳим воқеаларни турк сериаллари ижодкорлари охирги 30 дақиқага сиғдиришга ҳаракат қилишади. Бундан ҳам ёмони: лойиҳа охиригача чўзилади, аммо бу пайтда рейтинглар шунчалик пасайиб кетадики, томошабинларни сериал қандай тугаши қизиқтирмай қўяди.
Изоҳ (0)