Сўнгги кунларда севимли турк актёрлари ҳаётида нималар бўлганини кузатишга улгурмаган мухлислар учун қуйидаги мақолада дизи оламидаги энг сўнгги ва қизиқарли янгиликларни тўпладик.
Четин Текиндор “Қўрғон сирлари” сериалига қайтади
Холис оға яна экранларга қайтади. Турк инсайдерларининг сўзларига кўра, Феритнинг бобоси хонадонда тартиб ўрнатиш ва унинг йўқлигида қариндошлари томонидан қилинган барча хатоликларни тузатиш учун тез орада Туркияга қайтади. Четин Текиндор шахсий шифокорининг тавсиялари билан биринчи эпизодларда иштирок этмаган эди. “Қўрғон сирлари”нинг кўплаб мухлислари Холис Корханнинг келиши билан сюжет мантиқан ҳақиқатга яқин бўлишига умид қилмоқда.
Демет Ўздемирнинг собиқ турмуш ўртоғи ўзига янги қаллиқ топди
Ажримдан кейин Демет Ўздемирни қайтаришга бир неча бор уринган мусиқачи Оғузхан Коч янги севгисини топди. У “Чуқур” сериалида танилган актриса Ҳазал Субаши бўлиб, жуфтлик муносабатлари ҳақидаги янгиликларни ижтимоий тармоқлар орқали эълон қилди. Баъзи дизи мухлислари Ҳазалнинг ташқи кўриниши Деметга жуда ўхшаб кетишини пайқади. Демак, Оғузхан ҳис-туйғулари ҳали ҳам уни тинч қўймаяпти, деб ёзади мухлислар.
Серкан Чайўғлуни Ўзге Гурелга хиёнатда қўлга олишга ҳаракат қилишди
“Олча мавсуми” сериалида суратга тушгандан кейин муносабатларни бошлаган жуфтликка барчанинг ҳаваси келади. Аммо ҳафта бошида актёр Серкан Чайўғлуни гўзал нотаниш қиз билан Зинжирликую савдо марказининг автотураргоҳи ёнида суратга олишди. Камераларнинг чақнашидан қўрқиб кетган актёр ва унинг ҳамроҳи зудлик билан автотураргоҳни тарк этди.
Орадан бир кун ўтгач, Серкан бўлиб ўтган воқеага менежерлари орқали муносабат билдирди ва ўша куни унинг ёнидаги қиз Ўзгенинг жияни эканлигини айтди.
Бариш Ардуч ва Ҳанде Эрчел янги сериалда бирга суратга тушиши мумкин
“Уни шамолга қолдиринг” фильмида биргаликда ишлаган юлдузли дуэт тез орада экранда биргаликда чиқиши мумкин. Иккала актёрга ҳам Disney+ платформаси учун янги сериалда иштирок этиш таклифи берилган. Ҳозирда улар сценарий билан танишмоқда. Агар Бариш ҳам, Ҳанде ҳам сюжетни қизиқарли деб топса, улар янги лойиҳада жуфтлик ролини ижро этади.
“Қизил шарбат” сериалидаги баъзи саҳналар цензура қўмитаси туфайли олиб ташланди
Ҳозирги кунда турк сериалларини фаол тарзда мониторинг қилиб бораётган РТÜК давлат ташкилоти текширувлари аллақачон ўз мевасини бермоқда. Шу сабабли “Қизил шарбат” сериалидаги ва бошқа кўплаб лойиҳалардаги турк қадриятлари ва миллий урф-одатларига зид бўлган саҳналар олиб ташланмоқда. Жумладан, Гирай ва Ҳевес ўртасидаги саҳналар — ёш йигит ва унинг ўгай онаси ўртасидаги муносабатлар мутлақо номақбул кўринган. Натижада, жиддий жарима олмаслик учун уларнинг иштирокидаги аксарият саҳналар шунчаки кесиб ташланди. Томошабинлар ҳам бу қарордан мамнун бўлишди. Эҳтимол, яқин орада бу актёрлар лойиҳадан бутунлай четлаштирилади.
Британиялик актриса Эмма Уотсон турк сериалида иштирок этиши мумкин
Ижтимоий тармоқлар ва турк матбуотида актриса Эмма Уотсон Туркиянинг янги лойиҳасида иштирок этиши мумкинлиги ҳақида миш-мишлар тарқалмоқда. Илгари унинг Disney+ даги “Отатурк” фильмида рол ўйнаши башорат қилинган эди, аммо бу хабарлар ёлғон бўлиб чиққан. “Гарри Поттер” фильми юлдузи айнан нима учун Туркияга келиши номаълум, аммо бу сафар янгиликлар ҳақиқатга яқин кўринади. Чунки Туркия сериаллари АҚШ, Британия ва Европа давлатларида ҳам катта қизиқиш билан томоша қилинмоқда.
Идрис Неби Ташкан ва Бусе Мерал ажрашди
“Тақдир ўйини” сериали актёри ва “Шафқатсиз” сериали актрисаси муносабатлари тўйга етмай тугади. Улар ажралишларининг расмий сабабини маълум қилмади, аммо турк журналистлари фикрича, Идриснинг лойиҳадаги янги ҳамкори Мелис Тузюнгуч барчасига сабабчи эканлигига ишонмоқда. Қайд этилишича, Бусе Мерал қаллиғининг фильмларда интим саҳналарни суратга тушишига қарши чиққан, бироқ Идрис бундан бош тортмаган.
Интернетда Афра Сарачўғлу ва Мерт Рамазон Демирнинг “яширин тўйи”дан олинган видео тарқалмоқда
Томошабинлар эътибори ижтимоий тармоқларда бир-бирларига яна обуна бўлган, доим бир-бирининг постларига изоҳ ва лайклар қолдира бошлаган Афра ва Мертнинг ярашганига қаратилган. Шундай янгиликлар фонида кимдир меҳмонларга тўла кичик яхтада ўтказилаётган тўй видеосини тармоқларга жойлаштирди.
Кўриб турганимиздек, видеотасвир ноаниқ бўлиб, ундаги келин ва куёвнинг ким эканлигини илғаб бўлмайди. Аммо манба муаллифлари бу тўй айнан Афра ва Мертга тегишли, дея таъкидламоқда.
“Лейла” сериалидаги Алперен Жуймаз ота бўлди
Ҳозирда “Лейла” сериалида Живан ролида суратга тушаётган актёр Алперен Жуймаз фарзандли бўлди. Унинг ўғли 2024 йил 12 октябрда дунёга келди, аммо касалхонада олинган суратларни актёр куни кеча эълон қилди. Алперен шахсий ҳаётини намойиш қилмасликни афзал кўради, шунинг учун унинг мухлислари деярли барча янгиликлардан кечикиб хабардор бўлади.
“Қўрғон сирлари” сериали 2024 йил декабрь ойида якунланишига турк ОАВнинг ишончи комил
Аввалига интернетда “Қўрғон сирлари” сериали 2024 йилнинг ноябрида ёпилиши ҳақида миш-мишлар тарқалган эди, бироқ Четин Текиндор лойиҳага қайтаётгани маълум бўлгач, туркиялик журналист Бирсен Алтунташ хабар билан чиқди: финал 2024 йил декабрида бўлиб ўтади.
Изоҳ (0)