Ҳинд актёр ва актрисаларининг Голливуд юлдузларига фанатлик қилиши ва улар билан бирга суратга тушишни исташи ҳақида кўп бор эшитганмиз. Аммо Голливуд олами вакиллари ҳам Болливуд ижодкорларига мухлис бўлиши, улар билан бир лойиҳа устида ишлашни хоҳлаши мумкин.
Жан-Клод Ван Дамм — Айшвария Рай
Дунёнинг энг гўзал актрисаларидан бири ҳисобланган Айшвария, истеъдоди билан кўплаб Голливуд юлдузлари, хусусан, Жан Клод Ван Даммни ҳам лол қолдирган. Интервьюлардан бирида Болливуд ҳақида савол берилганида актёр, «Девдас»ни томоша қилгани ва Айшварияга мафтун бўлганини билдирган. «Мен чин қалбдан Ҳиндистонга боришни ва у ерда фильм суратга олишни истайман», — деган Ван Дамм.
Том Круз — Сонам Капур
Сонам Капур мода саноатининг энг ёрқин вакилларидан бири ҳисобланади. «Уддалаб бўлмас топшириқ»нинг тақдимоти сабаб Ҳиндистонга борган Том Круз, ҳинд киноларини жуда ҳам яхши кўриши ва улардан бирида суратга тушишни исташини таъкидлайди. Актёр Сонамнинг ашаддий мухлиси. Юлдузлар 2009 йилда Мумбайда танишган.
Жерард Батлер — Приянка Чопра
2000 йилда «Дунё гўзали» деб топилган Приянка, 2018 йилда америкалик хонанда Ник Жонас билан турмуш қурган. Унгача унинг қалбига йўл топишни истаганлар орасида Жерард ҳам болган. 2009 йилда актрисага ошиқ бўлган Батлер, унга турмуш қуришни таклиф қилган, ҳатто. Актёр Приянка АҚШда вақти у билан учрашиш учун рейсини ўтказиб юбормоқчи бўлгани ҳақида гапириб берган.
Силвестер Сталлоне — Салман Хон
Болливуд юлдузи Силвестер Сталлоне ким билан ишлашни хоҳлаши ҳақидаги саволга Салмон Хон деб жавоб берган.
Дэниэл Редклифф — Шохруҳ Хон
«Гарри Поттер» роли билан яхши таниш бўлган актёр, Болливуд қиролини яхши кўриши ҳақида кўп марта такрорлаган. Шохруҳ Хоннинг ашаддий мухлиси бўлган Дэниэл, ролларни ижро қилишда ундан илҳомланишини маълум қилади.
Ким Кардашьян — Салмон Хон
Реалити-шоу юлдузи Ким, интервьюлардан бирида Шохруҳ Хонни яхши кўриши, аммо унга кўпроқ Салмон ёқишини маълум қилган.
Кристен Стюарт — Ритик Рошан
«Сумерки» юлдузи Кристен ўғил фарзанд дунёга келса, у Осиёнинг энг келишган эркакларидан бири Ритиккаўхшашини жуда ҳам хоҳлашини билдирган.
Роберт Паттинсон — Шохруҳ Хон
«Сумерки»нинг бошқа бир юлдузи эса Шохруҳ Хонга фанатлик қилади. «Ўғирланмаган келин» фильмини кўрган актёр, уни Болливуднинг энг яхши фильмларидан бири деб ҳисоблайди. У Шохруҳ Хон билан бирга Болливуд фильмида бажонидил суратга тушишини таъкидлаган.
Изоҳ (0)