2024 йилнинг 1 ноябрь куни дунё модасининг юлдузи ва Ҳиндистон киносининг дурдонаси, модел ва актриса Айшвария Рай 51 ёшини нишонлади. 1994 йилда у “Дунё гўзали” унвонини қўлга киритади ва дарҳол кино оламида фаолиятини бошлайди. Шунингдек, у Тюссо хоним музейига мум ҳайкали қўйилган биринчи ҳиндистонлик аёл ҳам.
Бўлажак юлдуз чаён буржи остида, савдо флоти офицери Кришна Рай ва ёзувчи Вринда Рай оиласида дунёга келган. Айшвариянинг Адитя Рай исмли акаси ҳам бор.
1998 йилда “Қалбим сеники, жоним” фильмида суратга тушади, бу фильм кейинчалик Болливуд классикасига айланади. Аммо суратга олиш майдонидаги партнёри Салмон Хон унга чин юракдан ошиқ бўлиб, актрисанинг қўлини сўрайди. Гўё тўй бўладигандай эди: Хоннинг оиласи унинг танловини қўллаб-қувватлаган, қиз эса севгилисининг опа-сингиллари ва ота-онаси билан яқин бўлиб қолган эди. Бироқ Салмон оила қуришни таклиф қилганида актриса рад жавобини беради.
У ўша пайтда турмушга чиқишга тайёр эмасди. Бу ҳолат актёрга шунчалик қаттиқ таъсир қиладики, у бир зумда ошиқдан душманга айланади. Болливуднинг энг ёрқин жуфтлиги ўртасида жанжаллар, ҳатто қўполлик ва зўравонликлар бўлиб ўтганини барча мухлислар билишарди. Салмон маст ҳолда севгилисининг уйига келиб, қўли қонга белангунга қадар эшикни муштларди, отасига қўпол сўзлар айтиб, ўзини номақбул тутарди. Айшвария Салмондан ажралгач, актёр Вивек Оберой билан учраша бошлайди, шунда Хон унга ҳам ҳужум қилиб, эркаклар ўртасида муштлашув содир бўлади.
Барча шов-шувлар 2007 йилда Айшвария Рай ҳамкасби Абҳишек Баччанга турмушга чиққанида тугайди. Ўша вақтда актриса аллақачон жиддий оилавий муносабатларга тайёр эди. 2010 йилда у карьерасида танаффус қилишини эълон қилади ва орадан кўп ўтмай, улар фарзанд кутаётгани маълум бўлади.
Шифокорларнинг фикрича, 38 ёшида туғиш хавфли бўлиши мумкин эди. Аммо Айшвария оғриқни қолдириш ёки кесарча кесишдан қатъиян воз кечади ва табиий йўл билан туғишни танлайди. Қизи Аарадҳя дунёга келганидан сўнг эса мухлислари севимли актрисаларига танқидлар ёғдира бошлашади. Гап шундаки, туғуруқдан кейин Айшвария вазн йиға бошлайди ва кўплаб аёллар каби у ҳам бирданига озишга ҳаракат ҳам қилмайди.
-c6quj6T8-swGfU4uQ.webp)
Ҳиндистонда асосан ғарбда мавжуд бўлган туғуруқдан кейин дарҳол озиш одати йўқ. “Айшвария дарҳол қадди-қоматини тиклайдиган аёллардан, масалан, Виктория Бекҳэмдан ўрнак олса бўларди”, деб ёзади обуначилари. Ҳаттоки баъзи ҳейтерлар унинг “аввал” ва “кейин” суратларини таҳқирловчи видеолар билан тарқатишади.
Актриса ҳақиқий кучли шахс сифатида бу адолатсиз танқидларга бардош бера олди ва ўзига бўлган ишончини йўқотмади. У қоматини аста-секин тиклади. 2024 йилда Айшвариянинг Канн кинофестивалида қизил гиламдаги чиқиши катта шов-шувга сабаб бўлди.
Аммо айнан шу воқеа яна миш-миш ва гумонларни келтириб чиқарди. Чунки юлдуз суратга тушиш маросимига эри Абҳишек Баччан билан келмаганди, шундан сўнг ОАВ дарҳол уларнинг ажрашиш арафасида эканини ёзди. Айшвария Райнинг қайнона билан келишолмаётгани ҳақида эса аллақачон миш-мишлар юрарди. Абҳишек бир неча йил аввал оилавий можаролар туфайли ота уйидан чиқиб, алоҳида уйга кўчиб ўтганди. Шунга қарамай, Болливуднинг энг машҳур жуфтлиги ажрашаётгани ҳақидаги гаплар тинмаяпти, бироқ ҳозирча бу маълумот расман тасдиқлангани йўқ.
Изоҳ (0)