Шарқ марваридлари: Алсу, Айшвария ва бошқа экзотик гўзаллик эгалари (фото)

Кўп йиллар мобайнида мазкур юлдузлар гўзаллик рўйхатида биринчи ўринни эгаллаб келмоқда. Уларнинг жозибаси чиндан ҳам бошқаларникига қараганда ажралиб туради. Бунга сабаб улардаги шарқона истарадир.

Равшана Куркова

Тим қора кўзлар ва бетакрор кўриниш эгаси Равшана Куркова Ўзбекистонда туғилган. Актёрлик маҳоратининг етишмаслиги Равшанани замоннинг энг кўп изланадиган актрисаларидан бирига айланишига тўсқинлик қилмади. Юлдузнинг истеъдоди билан бирга, ёрқин қиёфа, туғма харизма ва жозибаси ҳам унга қўшимча чирой бағишлайди.

Чжан Сзии

2007 йилда хитойлик Чжан Сзии «Дунё гўзали» унвонига сазовор бўлган ва бу унинг карьера қилишига туртки бўлди. У бир қанча япон фильмларида рол ижро этган хитойлик актриса бўлганлиги учун турли муносабатлар билдирилган. Аммо унинг қиёфаси кўпроқ япон аёллариники каби нафис. Актрисанинг ўзи бундан сира ҳам хафа эмас. Чунки уни бутун Голливуд яхши кўради.

Бай Лин

Голливудни забт этган яна бир хитойлик гўзал. Бай Лин «Такси» ва «Адреналин 2»даги роллари туфайли машҳурликка эришди. Актриса 50 ёшдан ўтган бўлса-да, у абадий ёшлик сирини топганга ўхшайди.

Айшвария Рай

Актриса 1994 йилда «Дунё гўзали» унвонини қўлга киритган бўлса-да, у ҳозиргача Ҳиндистоннинг Моника Беллуччиси ҳисобланади. Шунингдек, бир неча йил аввал мафтункор кўзлар эгасини Голливуд юлдузи Жулия Робертс дунёдаги энг гўзал аёл деб атаган.

Приянка Чопра

Фильмдаги фаолияти гўзаллик танловида ғолиб чиқиши билан бошланган яна бир ҳинд юлдузи. Аслида Приянка дастурчи бўлишни истар эди, 2000 йилда «Дунё гўзали» танловида ғолибликни қўлга киритгандан сўнг режиссёрлар томонидан бирин-кетин таклифлар тушган. Шундан сўнг у болаликдаги орзусидан кечиб, кино олами томон қадам ташлаган.

Ляйсан Утяшева

Бошқирдистонлик Ляйсан чинакамига гўзаллиги билан ҳар қандай инсонни сеҳрлаб қўяди. Бадиий гимнастика бўйича карьерасини тугатганидан сўнг  ўзини телевидениеда синаб кўришга қарор қилган. Ёрқин қиёфа ва табиий гўзаллик ўз натижасини берди. Бугунги кунда Ляйсан нафақат таниқли бошловчи, балки шоу-бизнес оламида ҳам юлдуз ҳисобланади.

Меҳрибон ва Лейла Алиевалар

Меҳрибон ва Лейла озарбайжонлик гўзаллардир. Республика президентининг рафиқаси ҳамда қизи жамоат ишларида фаол. Улар мунтазам равишда ижтимоий тадбирларда қатнашади.

Фрида Пинто

Ҳиндистонлик актриса Фрида Пинто «Харобадан чиққан миллионер» фильмидан сўнг бирдан машҳурликка эришди. Профессионал раққоса ва инглиз адабиёти бўйича бакалавр диплом эгаси ватандоши Айшвария Райни ҳам ортда қолдириб, Жанубий Осиёнинг энг гўзал вакиллари рўйхатидан жой олди.

Алсу 

Яна бир шарқона гўзаллик 2000 йилларда барчанинг севимли хонандаси саналган Алсуда акс этган. Қора соч ва кўзлар эгаси ҳозирда уч қизнинг онаси. Хонандага аёллик ва оналик латофати ҳам жуда ярашган.

Люси Лю

Хитойлик муҳожирларнинг қизи Люси шарқона кўринишга эга бўлган энг талабгир ва кўп гонорар оладиган Голливуднинг актрисасига айланган. Яқинда Люси ҳам 50 ёшни қарши олади, аммо экзотик гўзаллик эгаси учун ўтаётган вақт ҳеч нарсани ўзгартирмайди.