Санъаткор учун исм ва тахаллус алоҳида бренд кабидир. Аммо баъзида шу бренднинг ўзи санъаткорнинг ижодий йўлида тўсиққа айланиши мумкин. Шунинг учун баъзи хонандалар тахаллусини ўзгартиришга қарор қилади. Бу қарор “ҳаётини янги саҳифадан бошлаш” истаги ёки “ўтмишдан қочишга уриниш” бўлиши мумкин. Бугун ўз “мен”ини қайтадан яратиш учун исмини ўзгартирган машҳурлар ҳақида ҳикоя қиламиз.
Пафф Дедди (Puff Daddy — Brother Love)
Бугунги кунда P.Diddy турли можаролар марказида. 2024 йилда рэпер ва продюсер зўравонлик ва одам савдосида айбланди. Тергов ишлари эса давом этмоқда. Қизиқ томони, унинг сўнгги пайт имижини ўзгартириши айнан исми билан боғлиқ бўлган.
Рэпер аввал турли тахаллусларда ижод қилган. Карьерасининг бошида Шон Комбсни Puff Daddy деб танишган, кейин Sean John ва Puffy деган исмлар билан қўшиқ айтган. Дарвоқе, хонанда ўзининг “Puff” лақабини болалигида олган. Маълум бўлишича, у тез-тез жаҳли чиққанда “пуфлаб” юрадиган бола бўлган.
Сўнгра ўзини P.Diddy, кейин эса оддийгина Diddy деб атай бошлаган. 2017 йилда, туғилган кунида хонанда мухлисларига видео йўллаб, уни энди Love (Муҳаббат) ёки Brother Love (Ака муҳаббати) деб аташларини сўраган:
“Мен исмимни ўзгартиришга қарор қилдим. Чунки энди аввалгидай эмасман”, деб тушунтирган.
Аммо томошабинлар бу гапларни жиддий қабул қилишмади ва хонанда P.Diddy тахаллусида қолди.
Snoop Dogg (Snoop Dogg — Snoop Lion, Snoopzilla)
Яна бир исмини ўзгартирган рэпер — бу Snoop Dogg. 2012 йилда Ямайкага қилган сафаридан сўнг хонанда ўзини энди Snoop Lion деб аташини эълон қилган.
Снупнинг айтишича, бу сафарда у руҳий ва ижодий жиҳатдан қайта туғилгандек бўлган ва буюк Боб Марли руҳи билан алоқа ўрнатган. Унга бу исмни растафариан диний арбоблари тавсия қилган. Шунингдек, у зўравонлик мавзусига тўла реп мусиқасини тарк этиб, фақат регги услуби билан шуғулланишга қарор қилган.
Аммо бир йил ўтиб, Кордозар Келвин Бродо (унинг ҳақиқий исми) яна бир баёнот берди. Функ-альбоми чиқиши арафасида у исмини Snoopzilla деб ўзгартирди. Кейин аввалги услубдаги Snoop Dogg ва унинг қўшиқлари қайтди.
Граймс — бир ҳарфдан иборат исм
Қўшиқчи Граймснинг асл исми — Клер Элис Буше. Унинг Илон Маск билан бўлган муносабатлари ҳалиям бутун дунёда муҳокама қилинади. Аммо энг катта шов-шув жуфтликнинг ўғли туғилганида эмас, балки унга қўйилган исмда бўлди. Чақалоққа Х Æ А-12 деб ном беришган. Бу исмда номаълум сунъий интеллект қисқартмаси ва америкалик разведка самолёти номи яширинган.
Сўнг Клер ўз исмини соддалаштиришга қарор қилди. 2018 йилда хонанда Си Буше (C Boucher) деб атай бошлади. Бу вакуумдаги ёруғлик тезлиги белгиси. Унинг айтишича, эски исми унга ҳеч қачон ёқмаган. Икки йилдан кейин эса у атрофдагилар уни шунчаки Си (C) деб аташларини сўраган.
Холзи — кўча номидан илҳомланган тахаллус
Холзи (Helsey) тахаллуси билан танилган қўшиқчининг асл исми Эшли Николет Пранжипани. У оғир болаликни бошдан кечирган. Хонанданинг ота-онаси тез-тез иш жойларини алмаштирган, бу эса доимий кўчишларга сабаб бўлган. Ҳар бир янги жойда Эшли тазйиққа учраган. Бу эса уни ўз жонига қасд қилишга олиб келган. Кейинчалик у коллежни ташлаб, гиёҳванд моддалар билан савдоси билан шуғулланган ва ота-онаси уни уйдан ҳайдаб юборганидан кейин кўчаларда яшашга мажбур бўлган.
Мусиқа йўлида илк қадамларга қўйганида, Холзи ўтмиш ҳақидаги хотираларни буткул ўчиришга қарор қилган. Янги исм сифатида эса кўча номини танлаган — хонанда собиқ қаллиғининг уйи Бруклиндаги Helsey Street кўчасида жойлашган эди.
Изоҳ (0)