Ностандарт ташқи кўриниши ва имконияти чекланганига қарамай, ижтимоий тармоқларда, хусусан, Instagram’да фаол бўлган қизлар ҳақида маълумот бериб ўтамиз.
Эвита Дельмундо — @evita_delmundo
Ўзига бўлган ишончини 16 ёшдан кейин топган Эвита «Малайзия гўзали» танловида ҳам қатнашиб улгурган.
Терисидаги холларни олдириб ташлашнинг хавфли эканини яхши тушуниб етган қиз ўзини борича қабул қилишни ҳамда севишни ўрганган. «Гўзаллик мукаммаллик эмас, одам ўзини борича севиши керак», — деган у.
Каксми Брутус — @mamacaxx
15 ёшида суяклар саратони ташхиси қўйилган Каксмини шифокорлар яна уч ҳафтага яқин яшаши мумкин деб ҳисоблаган. Аммо мўъжиза юз берган, ампутация қилинганидан кейин қиз яшаб кетган.
Каксмининг оёғига протез ўрнатилгани моделлик қилиш ва саёҳат қилишдан тўхтата олмайди.
https://www.instagram.com/p/BmbGcP-liFw/
«Тўғриси, бошқалар сингари мени ҳам ўзимни боримча қабул қилиш учун анча вақт кетган», — деган у.
Эмили Жонс — @beautybyemilylou
Эмили озиқлантирувчи трубка талаб қилинадиган Элерс-Данлос синдромидан азият чекади. Аввалига ўзини қабул қила олмаган ва ташқи кўринишидан уялган қиз кейинчалик макияж орқали ечим топишга муваффақ бўлган.
«Мен трубочка эътибор тортмаслиги учун кўз ва лабларимга урғу бериб бўянаман», — дейди у.
Жордан Боун — YouTube: Jordan Bone
Жордан 15 ёшида автоҳалокатга учраганидан кейин фалаж бўлиб қолган. Узоқ вақт ўзига кела олмаган Боун кейинроқ ўзини қўлга олиш кераклигини тушуниб етган ҳамда бюти-блог юритишга қарор қилган.
«Ўзим кийинишим ва соч турмаклашни эпламаганим билан, макияж қилиш қўлимдан келади», — деган у. 28 ёшли қизнинг Instagram саҳифасида 150 мингдан ортиқ обуначиси бор.
Лили Ло — @lililo95
Олбрайт синдроми россиялик Лилига севимли машғулоти: макияж қилиш ва уни видеога олишга тўсқинлик қила олмайди.
«Сизда қандайдир камчилик бўлса, уни шунчаки йўқ деб тасаввур қилинг. Асосийси, уни афзалликга айлантиришга ҳаракат қилинг», — деган у.
Изоҳ (0)