Time журнали 2025 йил ҳолатига кўра дунёнинг энг нуфузли 100 кишиси рўйхатини эълон қилди. Рўйхатга кирганлар олти тоифага бўлинган. Улар орасида таниқли тадбиркорлардан тортиб сиёсатчиларгача бор.
“Етакчилар” тоифасига АҚШ президенти Дональд Трамп, вице-президент Жей Ди Венс, SpaceX асосчиси Илон Маск ва савдо вазири Говард Лютник кирган. Шунингдек, Британия бош вазири Кир Стармер, Германиянинг бўлажак канцлери Фридрих Мерс, Аргентина президенти Хавьер Милей, Мексика президенти Клаудия Шейнбаум ва Суриянинг муваққат президенти Аҳмад аш-Шараъа ҳам шулар жумласидан.
Трамп ҳақидаги мақолада айтилишича, “ҳеч бир замонавий президент АҚШ ҳукумати устидан назоратни Дональд Трамп каби қатъият билан қўлга олмаган”.
Гренландияни босиб олиш ва АҚШнинг Украинага кўрсатаётган ёрдамини тўхтатиш таҳдиди билан АҚШ иттифоқчиларини саросимага солмоқда. Унинг қолган президентлик муддати дунёни қай даражада ўзгартиришини кўрсатади, деб ёзади Тиме мухбири Брайан Беннет.
“Титанлар” номинациясига теннисчи Серена Уильямс, кўп карра Олимпиада чемпиони гимнастикачи Симона Байлс ва Меtа асосчиси миллиардер Марк Цукерберг кирган.
“Санъаткорлар” тоифасидаги машҳур шахслар қаторидан қўшиқчи Эд Ширан ва актриса Скарлетт Йоханссон ўрин олган.
“Иконлар”
- Актриса Деми Мур — “Субстанция” фильмидаги роли учун 2025 йил “Олтин глобус” олган.
- Актёр Адриан Бродй — “Бруталист” фильмидаги ижроси учун 2023 йилда “Оскар” олган.
- Актёр Хироюки Санада — 2024 йилги “Эмми” ғолиби бўлган “Сёгун” тарихий драмаси актёри.
- Журналист Девид Мюр — ABC News телеканалида фаолият олиб боради.
- Ёзувчи Ракел Уиллис ва бошқалар.
“Инноваторлар”
- Рэпер Snoop Dogg.
- Олим Исмоҳане Элоуафи — У бошқараётган CGIАR қишлоқ хўжалиги тадқиқотлари ташкилоти қашшоқликни камайтириш, озиқ-овқат хавфсизлигини таъминлаш ва овқатланишни яхшилашнинг янги йўлларини изламоқда.
- Актриса Никки Глазер
- Мусиқачи Ричард Тҳомпсон.
- Астроном Венди Фридман ва бошқалар.
“Пионерлар”
- Британиялик кимёгар Демис Ҳассабис — “оқсил тузилиши прогнози учун” 2024 йилда Нобель олган.
- Қўшиқчи Парк Жаэ-ёнг (Росе тахаллуси) — Кореянинг машҳур Blackpink гуруҳи хонандаси
- Қўшиқчи Майлс Смит — 2024 йилги “Stargazing” ва “Nice to Meet You” сингллари билан машҳур.
- Австралиялик тадбиркор Эндрю Форрест.
- Ботаник ва ёзувчи Робин Уолл Киммерер.
Изоҳ (0)