Украина президенти Владимир Зеленский Time 100 рўйхатида биринчи ўринни эгаллади. Унда Американинг Time ҳафталик журнали ўқувчилари энг нуфузли одамларнинг йиллик рейтингига овоз беришди. Нашр таҳририяти рейтингни 23 май куни эълон қилади.
Сўров натижаларига кўра, Зеленский 5 фоизга яқин овоз тўплаган, 3,3 миллиондан ортиқ фойдаланувчи уни энг нуфузли шахс деб топган.
Февраль ойида Украинада жанглар бошланганида, 2019 йилда Украина президенти этиб сайланишидан аввал сиёсий тажрибаси бўлмаган комедиячи Зеленский жаҳон саҳнасига чиқди ва Украинани қўллаб-қувватлаш учун етакчиларни бирлаштирди, — деб тушунтиради Time ўқувчилар танловини.Рейтингнинг иккинчи ўрнини 3,5 фоиз овоз билан Tesla ва SpaceX асосчиси Илон Маск эгаллади. Буюк Британия бош вазири Борис Жонсон эса кучли учликни (3,4 фоиз) якунлади.
Ундан кейинги ўринни коронавирусга қарши курашаётган тиббиёт ходимлари (3,2 фоиз) эгаллаган бўлса, кучли бешликни АҚШ президенти Жо Байден якунлади.
Time журнали одатда декабрь ойининг охирги сонида «йил одами» номини эълон қилади. Бунда танлов китобхонлар томонидан эмас, балки ижрочи муҳаррир томонидан амалга оширилади.
2021 йилда Time журнали Илон Маскни «йил одами» деб эълон қилган эди.
Изоҳ (0)