Британиялик қўшиқчи Адель ҳозирда 35 ёшда, лекин у узоқ вақтдан бери дунёдаги энг нуфузли юз кишидан бири бўлиб келган. 19 ёшида биринчи альбом, 21 ёшида дунёга машҳур хонанда ва мухлисларга тўла стадионлар. Лондон чеккасида яшовчи интилувчан оддий қиз шоу-бизнес қоидаларига қарамай, ёрқин шоулар, шов-шувли клиплар ёки шаҳвоний ҳаракатларсиз ҳам жамоатчилик эътиборини ўзига тортди — фақат шахсияти ва ажойиб овози билан.
Болалик. Отасини соғиниб...
Адель Лори Блю Адкинс 1988 йилда Шимолий Лондонда гангстерлар, араб муҳожирлари ва камбағаллар яшайдиган машҳур Тоттенҳэм ҳудудида туғилган. Аделнинг оиласи ҳам камбағал эди. Унинг ота-онаси — 18 ёшли санъат институти талабаси Пенни ва жаззни яхши кўрадиган 20 ёшли ишсиз йигит Марк 1987 йилда пабда танишиб, бирга яшай бошлайди. Пенни Аделни дунёга келтиради, шундан сўнг Марк унинг қўлини сўрайди, лекин Пенни турмуш қуришга ҳали ёш эканини айтиб, уни рад этади. Марк қизи тўққиз ойлик бўлганда уйдан чиқиб кетади. Тахминан уч ёшигача Адель онаси билан отасини кўргани бориб туради, аммо кейин Марк ғойиб бўлади. Отасидан қолган ягона нарса иккинчи исми Блю эди — дадаси блюзга бўлган муҳаббати шарафига қизига шундай исм қўйган.
Ота Адель машҳур бўлганда пайдо бўлади: у пул эвазига унинг болалиги ҳақида интервью беради.
Бу одамнинг мен ҳақимда гапиришга ҳаққи йўқ. У мени ташлаб кетди — ўн йил ўтгач тўсатдан пайдо бўлди ва ҳаётимдаги барча муаммолар ёмон муносабатларимиз туфайли эканлигини айтди. Жин урсин уни!, — дейди ғазабланган Адел.
Онаси қизининг истеъдодини эрта пайқаб, мусиқа дарсларига пул тўлаш учун бирданига учта жойда (ўқув курслари менежери, мебел йиғиш, массаж) ишлаган. Аделнинг отаси ўрнини бобоси эгаллайди, лекин у 10 ёшга тўлганида бобоси вафот этади. Адель бундан қаттиқ сиқилади ва юрак жарроҳи бўлишга қарор қилади. Ҳаёт уни бошқа йўналишга олиб кетади, лекин бир кун келиб Адель онасидан: “Сен ҳақиқий шифокорсан, фақат юракларни мусиқа билан даволайсан” деган таскинни эшитади.
-fgRPEKHu.jpg)
Мактаб пайтида Адель онасини гитара сотиб олишга кўндиради ва чалишни ўзи ўрганади, беш октавадан иборат кучли овоз ва энг юқори ноталарга чиқиш қобилияти билан дўстларини ҳайратда қолдиради. Аммо у машҳур хонанда бўлишни хаёлига ҳам келтирмай — у доим семиз бўлган, бундай қомат билан саҳнага чиқа олишига ва бой ҳомийлар топилишига ишонмайди. Шунга қарамай, 16 ёшида Адель Кройдондаги Лондон Ижрочилик санъати ва технологияси мактабига ўқишга киради. Адель ўрта мактабни ташлаб, Британиядаги энг яхши ўқитувчилардан мусиқа санъатини ўрганишни бошлайди.
Мусиқа чўққисини забт этиш
2006 йилда ижрочилик мактабида ўқиётганда, Адель мактабдаги вазифа учун учта трек ёзади. Дўсти уларни ижтимоий тармоқларга жойлаштиради — қўшиқлар бир зумда хитга айланади. Адель эътиборга тушади. XL Recordings эгаси Ричард Расселл Аделнинг кичик концертига ташриф буюради ва унинг ғайриоддий овозидан ҳайратда қолади. 2006 йилда ўқишни тугатгандан тўрт ой ўтгач, Адель ўзининг биринчи шартномасини имзолайди.
-fSGPLp-J.jpg)
Воқеалар тез ривожланади. Аделнинг яна иккита қўшиғи интернетда пайдо бўлади, Hometown Glory қўшиғи эса 2007 йил октябрь ойида радиода чиқади. У дарҳол ҳафта қўшиғи деб тан олинади, ҳатто “Грэмми” мукофотига номзод бўлади. Аммо Адель қўшиқни атиги 10 дақиқа ичида ёзганди. Кейинчалик бу қўшиқ Британиянинг энг яхши 40 талигига киради. Натижада хонанда XL Recordings билан янги шартнома имзолайди — кейин Аделнинг Chasing Pavements сингли (унга хиёнат қилган йигити билан ажрашгандан кейин ёзган) бир ой давомида Британия чартларида иккинчи ўриндан тушмайди.
Биринчи катта муваффақият
2008 йилда Аделнинг “19” дебют альбоми шов-шувга айланади, Британия чартларида биринчи ўринни эгаллайди. Brit Awards маросимида Адель Someone Like Me You қўшиғини куйлайди ва дарҳол чартларда етакчилик қилади. Адель кўзларида ёш билан қўшиқ айтади. Кейинчалик у бу қўшиқни энг севимлиси деб атайди.
Кейин “Энг яхши янги ижрочи” ва “Энг яхши аёл поп-вокали” номинацияларида “Грэмми” мукофотлари ва танқидчилар томонидан “Қалб маликаси” унвони берилади. 2008 йил октябрь ойида Алясканинг собиқ губернатори Сара Пейлин ва Адель 17 миллион киши томоша қилган Saturday Night Live кўрсатувида чиқиш қилади. У ерда Адель “19” альбомидан иккита қўшиқ ижро этади ва у дарҳол иTunes’да биринчи ўринга кўтарилади.
-r6dO_owq.jpg)
“21” альбоми 2012 йилда чиқарилади. У бир ярим ой давомида деярли бутун Европада ҳит-парадларда етакчиликни бермайди. Адель Billboard Music Award’нинг 12 та мукофотни қўлга киритиб, Тime журналининг йилнинг энг нуфузли 100 кишиси рўйхатига киради. Кейин Адель шундай дейди:
Кейинги альбом икки йилдан кейин чиқади, мен ўзим учун ҳам яшамоқчиман.
Унинг ўзига яраша сабаби бор эди: қўшиқчи ўғлини дунёга келтиради — чақалоқ 18 ойлик бўлганида, у ижодга қайтади.
Британиянинг энг бой 30 ёшли қўшиқчиси
2015 йилда янги альбомнинг чиқарилиши шу қадар шов-шувга сабаб бўладики, Жастин Бибер ва Оnе Direction гуруҳи рақобатдан қўрқиб, дискларини чиқаришни кейинга қолдиради. “25” номли альбоми саккиз ойда 20 миллион нусхада сотилади.
2014 йилда Адель маданият ва санъатни ривожлантиришдаги хизматлари учун Британия империяси ордени билан тақдирланади. Икки йил ўтгач, у учта Brit Awards номинациясида, 2017 йилда эса бешта “Грэмми” номинациясида ғолиб бўлади. 2018 йилга келиб 190 миллион доллар ишлаб, Буюк Британиядаги энг бой қўшиқчига айланади.
45 килога озишни уддалайди
2011 йилда “21” альбоми билан жаҳон гастролларини бошлаган Адель овозини йўқотади, натижада концертларини бекор қилишга тўғри келади.
“14 ёшимдан бери ҳар куни қўшиқ куйлайман, овозимда ҳеч қачон муаммо бўлмаган... Парижда жонли куйлашим керак эди, бирдан овозим йўқолди – қон келди, томоқ соҳасидаги томир ёрилди. Бир оздан кейин бу ўтиб кетди, қўшиқ айта бошладим. Лекин кейинчалик энг яқин дўстимнинг тўйида яна шундай бўлди. Баъзи аҳмоқлар менда томоқ саратони борлиги ҳақида миш-миш тарқатди, — дея шикоят қилади Адел.
У операцияни бошдан ўтказади. Овоз баландлашади, хириллашлар йўқолади.
Қўшиқ — менинг ҳаётим, севимли машғулотим, севгим, эрким, ишим. Менда битта йўл бор – тўлиқ тикланиш, акс ҳолда овозимни абадий йўқотиш хавфи бор, — деб ўртоқлашади Адел.
Ўсмирлик даврида Адель семириб кетганлиги сабабли комплекслардан азият чеккан, аммо муваффақият унга ишонч бағишлайди — у тез-тез ўзини қабул қилиш ва танасини севиш ҳақида гапиради. Ахир у топ-модель эмас ва ўрнатилган гўзаллик стандартларига риоя қилишга мажбур ҳам эмас. Аммо туғуруқдан кейин унинг вазни 100 килодан ошади, лекин у ҳали ҳам парҳез қилишнинг маъносини кўрмасди: “Менинг мусиқам кўзлар учун эмас, балки қулоқлар учун”. Тўсатдан, 2015 йилда Адель озишни бошлайди. Hello қўшиғининг клипида у бутунлай бошқача кўринишга эга эди. Пандемия пайтида қўшиқчи коронавирус чекловлари туфайли яна 45 кг га озади.
Адель ҳозирда
2019 йилда Адель тўсатдан мусиқа бизнесини тўхташини эълон қилади, телекўрсатув бошловчиси ва актриса сифатида чиқишни бошлайди. Аммо 2021 йилда мухлисларнинг бахтига оналик, ажралиш ва юрак хасталиги ҳақидаги қўшиқлардан иборат “30” альбоми чиқади. Альбомнинг асосий сингли Easy оn Ме катта муваффақиятга эришади ва альбом 24 мамлакатда биринчи ўринни эгаллайди. 2023 йил февраль ойида Адель Easy Оn Ме учун янги “Грэмми” мукофотини қўлга киритади ва инглиз адабиёти бўйича диплом олишга вақт топиш ниятида эканлигини маълум қилади.
Ҳозир Адель шон-шуҳрат чўққисида. Унинг дисклари дунёдаги энг кўп сотилган дисклар қаторига киради, у юздан ортиқ турли мукофотларга эга, сингл ва альбомларининг муваффақияти учун уч марта Гиннес рекордлари китобига киритилган.
Изоҳ (0)