Американинг Тime журнали 2023 йил одами унвонига номзодлар рўйхатини эълон қилди.
Рўйхатдан тўққиз номзод жой олди:
- Голливуд сценаристлари ва актёрларининг иш ташлаши иштирокчилари;
- Хитой Халқ Республикаси Раиси Си Цзиньпин;
- Америкалик қўшиқчи Тейлор Свифт;
- OpenAI бош директори Сэм Альтман;
- АҚШ собиқ президенти Дональд Трампнинг судларида қатнашган прокурорлар;
- Грета Гервигнинг “Барби” фильмида бош қаҳрамонга айланган Барби қўғирчоғи;
- Россия президенти Владимир Путин;
- Буюк Британия қироли Чарльз III;
- АҚШ Федерал захира тизими раиси Жером Пауэлл.
Россия президентига оид изоҳда Путин Украинада урушни иккинчи йил давом эттираётгани айтилади. 2023 йилда “Вагнер” қўзғолони пайтида Путин ҳукмронлигига қисқа муддатли таҳдид юзага келди, аммо якунда барибир унинг таъсири кучайди, деб таъкидлайди нашр.
Тime нашри томонидан 2023 йил одами номи 6 декабрь куни эълон қилинади.
2022 йилда, Тime нашрига кўра, йил одами сифатида Украина президенти Владимир Зеленский, шунингдек, Россия агрессиясига қаршилик кўрсатишда “Украинанинг руҳи” рамзига айланган Украина ва бошқа мамлакатлар фуқаролари тан олинганди.
Владимир Путин 2007 йилда Тime журналида “Йил одами” деб топилган, шунингдек, бир неча бор дунёнинг энг нуфузли 100 кишиси рўйхатига киритилган.
Изоҳ (0)