Американинг машҳур Тime журнали жамоаси анъанавий равишда ҳар йили сўнгги бир йил ичида турли соҳаларда юқори чўққиларга эришган энг нуфузли эркак ва аёллар рўйхатини эълон қилади. Бу йил нашр 13 нафар гўзал жинс вакилини “Йил аёли” деб топди, улар орасида машҳур актриса Никол Кидман ҳам бор, деб ёзади Тime.
Санъаткор нафақат энг нуфузли аёллар рўйхатида, балки нашрнинг Instagramъдаги расмий саҳифасида кўрсатилган журнал муқовасида ҳам пайдо бўлди. Кидман 2002 йилда “Соат” фильмидаги бош роли учун Академия мукофотига сазовор бўлган биринчи австралиялик актрисадир. Шунингдек, у бешта “Олтин глобус” совриндори ҳисобланади.
2017 йилда юлдуз ҳар 18 ойда камида битта режиссёр билан ҳамкорлик қилишга ваъда берганди. Ўшандан бери у аёллар томонидан яратилган 19 та фильм ва телелойиҳада продюсер ва актриса сифатида иштирок этган. Бу Голливуддаги мувозанатга таъсир қилди ва аёллар учун кўпроқ иш ўринлари яратади.
Одамлар “Сен супер аёлсан”, дейишади. Лекин менга бу гап ёқмайди, дейди Никол Тime нашрига берган интервьюсида.
Америка журналининг “Йилнинг 13 аёли” рўйхатига Кидмандан ташқари, машҳур спортчилар, қўшиқчилар, актрисалар, ижтимоий муаммоларни ҳал қилиш билан шуғулланувчи фаоллар ҳамда шахсий фожиаларни бошдан кечириб, фавқулодда ҳаракатларга жасорат кўрсатган оддий аёллар ҳам киритилган.
Булар орасида Олимпия гимнастикачиси Жордан Чайлз, биолог Пурнима Деви Барман, баскетболчи Аъжа Уилсон, актрисалар Анна Савой ва Оливия Манн, фаоллар Aманда Зуравски, Фата Балдеҳ, Ракел Уиллис ва Жизел Пелико, қўшиқчи Лауфей, шунингдек, компаниялар раҳбарлари Клер Бабино-Фонтенот ва Лора Моди бор.
Улар АҚШдаги очлик муаммоси устида ишламоқда, аёлларни кўкрак бези текширувидан ўтишга ундамоқда, зўравонлик қурбонларига ёрдам бермоқда.
Изоҳ (0)