AQSH prezidenti Donald Tramp Valter Rid milliy harbiy tibbiyot markazida to‘rt soat sarfladi. Tibbiy ko‘rikdan so‘ng Oq uy rahbari aqliy qobiliyat bo‘yicha testdan muvaffaqiyatli o‘tganini e’lon qildi.
“Barcha savollarga to‘g‘ri javob berganimni aytib o‘tishim mumkin”, dedi 78 yoshli prezident jurnalistlarga bergan intervyusida. Oq uy matbuot kotibi Kerolin Levitt so‘nggi tibbiy ko‘rik natijalari imkon qadar tezroq e’lon qilinishini aytdi, deb xabar beradi ABC News.
Prezidentning sog‘lig‘i haqidagi so‘nggi batafsil hisobot 2018-yilda chop etilgan edi. New York Times gazetasi AQSH saylovlari oldidan so‘nggi maʼlumotlarning yo‘qligi tibbiyot mutaxassislarini xavotirga solayotgani, chunki Tramp yoshidagi odamlarda sog‘liq bilan bog‘liq jiddiy muammolar bo‘lishi mumkinligi haqida yozgan edi.
Yuzaga kelishi mumkin bo‘lgan jiddiy muammolar orasida mutaxassislar yurak xastaligi xavfini va yosh bilan yuzaga keladigan kognitiv qobiliyatlarning pasayishini aytib o‘tganlar.
Izoh (0)