АҚШ собиқ президенти Дональд Трамп ақлий қобилиятни аниқлаш учун тест топширди ва барча президентликка номзодларни шундай қилишга чақирди. Бу ҳақда Тҳе Ҳилл хабар берди.
![](/static/2023/17.022023/photo_2023-12-14_18-00-30.jpg)
Дональд Трамп Аёва штатидаги сайловолди ташвиқоти чоғида яқинда ақлий қобилият синовидан ўтганини айтди.
“Мен тиббий кўрикдан ажойиб натижалар билан ўтдим. Ақлий қобилият бўйича ҳам тест топширдим”, — деди у.
Трампнинг фикрича, АҚШ президентлигига барча номзодлар ушбу имтиҳондан ўтишлари шарт ва бу амалдаги етакчи Жо Байденга ҳам тегишли. У бу каби баёнотларни биринчи марта айтаётгани йўқ. Жумладан, 2020 йилда, ҳали президентлик пайтида, Трамп ҳафтасига икки марта интервью бериб, ақлий қобилият тестидан яхши ўтганини айтганди.