Тошкент шаҳрида 12 ва 13 апрель кунлари ҳашар ўтказилади. Бу ҳақда пойтахт ҳокимлиги матбуот хизмати хабар берди.
Бунда кўп қаватли уйлар атрофи ва жамоат ҳудудларини тозалаш, ободонлаштириш ва яшил майдонларни кўпайтириш назарда тутилмоқда.
“Пойтахтнинг барча туманларида тартиб ўрнатилиб, дарахтлар экилади, ҳовлилар безатилади. Бу севимли шаҳримиз ободлиги ва поклигига қўшган умумий ҳиссамиздир”, дейилади ҳокимлик хабарида.
Ўзбекистонда 2024 йилнинг 24—25 август кунлари умумхалқ хайрия ҳашари ўтказилган эди.
Шунингдек, 2024 йил бошида ўтказилган Умумхалқ хайрия ҳашар кунларида 12 553 та кам таъминланган оиланинг 214 минг квадрат метрдан ортиқ уй-жойи ҳашар йўли билан таъмирланган эди.
Изоҳ (0)