Сурхондарё вилояти Сариосиё туманида осма кўприкдан йиқилиб тушган қизнинг аҳволи тўғрисида маълумот берилди.
Ижтимоий тармоқларда осма кўприкдан ўтаётган икки йигитнинг қўпол ҳазили ортидан бир қиз пастга тушиб кетгани тасвирланган видео тарқалди. Маълум бўлишича, ҳолат Сариосиё туманидаги Сангардак шаршараси яқинида юз берган.
Сариосиё ИИБ ходимига кўра, осма кўприкдан йиқилиб тушган қиз жиддий шикастланмаган. “Ҳозирда у оиласи ёнида. Ҳолат бўйича ФВБ ва ИИБ ходимлари томонидан суриштирув олиб борилмоқда”, — дейди идора ходими Улуғбек Ҳақназаров.
Таъкидланишича, мазкур осма кўприк ноқонуний қурилган бўлиб, у олиб ташланган.
Эслатиб ўтамиз, 2022 йилда Қашқадарё вилоятининг Қамаши туманида туғуруқхонага кетаётган аёллар ҳам юрак ҳовучлаб ўтишга мажбур бўлаётган осма кўприк янгиланган эди. Мазкур осма кўприк 2010 йилдан сўнг аҳоли томонидан ҳашар йўли билан қурилган, аммо кейинчалик фойдаланиш учун хавфли ҳолатга келиб қолганди.
Изоҳ (0)