Ижтимоий тармоқларда Самарқанд вилоятида жойлашган Хон Саид Имом мажмуаси таъмирталаб ҳолатга келиб қолгани ҳақида хабарлар тарқалди. Маданий мерос агентлиги Самарқанд вилояти бошқармаси томонидан ҳолат атрофлича ўрганиб чиқилди.
![](/static/2024/06/28/tm-csgJDiA3.jpg)
Унга кўра, Маданий мерос агентлигининг 2024 йил 6 майдаги “2024 йилда реставрация ва таъмирлаш-тиклаш ишлари амалга ошириладиган маданий мерос объектлари ва давлат музейларининг манзилли рўйхати” тасдиқланган бўлиб, унда Хон Саид Имом мажмуасини реставрация ва таъмирлаш-тиклаш учун 906,1 миллион сўм маблағ ажратилган.
Маълумот учун, ушбу мажмуа ХIX-ХХ асрларда аҳоли томонидан ҳашар йўли билан қурилган бўлиб, кичик маҳаллий масжид ҳисобланади. Объект бир хонақо ва бир айвондан иборат.