Умумхалқ хайрия ҳашар кунларида 12 553 та кам таъминланган оиланинг 214 минг квадрат метрдан ортиқ уй-жойи ҳашар йўли билан таъмирланди. Бу ҳақда АОКАда ўтказилган брифингда Ўзбекистон маҳаллалари уюшмаси ахборот хизмати маълум қилди.
Шунингдек, 30 602 нафар эҳтиёжманд оила, шундан 10 150 нафар ногиронлиги бўлган ва ёлғиз қарияларнинг ҳолидан хабар олиниб, моддий ёрдам кўрсатилди.
“Яшил макон” умуммиллий лойиҳаси доирасида 1 млн 520 мингдан ортиқ манзарали ва 2 млн 314 минг мевали дарахт кўчатлари экилди. 3 546 та мевали ва манзарали боғ ташкил этилди.
15 179 гектардан ортиқ майдон 70 минг 365 та кўча ободонлаштирилди. 7 294 км узунликдаги ариқ ва лотоклар тозаланди. 9 948 та қабристон ва 532 та зиёратгоҳ ободонлаштирилиб, тартибга келтирилди.
Изоҳ (0)