Голливуднинг бутун дунёда машҳур жангари фильмлар актёрлари ҳозир қандай кўринишда?

Голливуднинг машҳур юлдузлари кўплаб фильмларда асосий ролларни ижро этган бўлсалар-да, аммо жангари фильмлар актёрлари сифатида эсланади.

Жеки Чан

Бошқа кўплаб хитой ва гонконглик актёрлар сингари Жеки Чан ҳам аввалига маҳаллий кинематографияда иш бошлаб, “Полициячилар тарихи” ҳамда бошқа бир нечта фильмларда рол ўйнади. Бироқ бошқалардан фарқли ўлароқ Чан Голливудда ҳам муваффақият қозонди — Жеки Крис Такер билан “Тиғиз вақт” фильмида иккинчи асосий ролни ижро этди. Қизиғи шундаки, бу рол Жекининг фильмографиясида муҳим аҳамиятга эга бўлишига қарамай, фильм унга фақат шуҳрат ва пул келтирган, аммо ҳеч қандай завқни ҳис қилмаган.

Брюс Уиллис

Брюс Уиллис Сибилл Шепард билан “Ой  нури детектив агентлиги” сериалида рол ўйнаганидан сўнг юлдузга айланди. Якуний мавсумдан олдин Брюс “Ўтда ёнмас” фильмида иштирок этиб, жанговар фильмларга бўлган истеъдодини кашф этди ва бутун фаолиятини шу жанрга боғлади. Шу билан бирга, у “Олтинчи ҳис”, “Ўн икки маймун“, “Кичкинтой” ва бошқа фильмларда турли жанрларда ҳам ўзини намоён қилди. 2010 йилларда Уиллиснинг карьерасида бурилиш юз берди — у актёрлик фаолиятига ҳеч қандай фойда келтирмаган паст бюджетли жанговар фильмларда рол ўйнай бошлади. 2020 йилларда ҳатто “Олтин малина” мукофотининг алоҳида номинациясини қўлга киритди. Бироқ, кейинчалик маълум бўлишича, Брюс афазияга чалинган экан, бу касаллик унинг хотирасини, шунингдек, нутқни идрок этиш ва ифодалаш қобилиятини бутунлай издан чиқарган.

Силвестр Сталлоне

1970 йилларда Силвестр Сталлоне кичик ролларда ўйнаб, арзимас пул топарди. Шу сабабли у ҳатто боқишга қурби етмаган итини сотишга мажбур бўлади. Шундай бўлса-да, Сталлонега “Рокки” фильми умрининг қолган қисмини беташвиш ўтказишга етадиган 225 миллион доллар даромад келтирди ва Сталлоне бутун дунёга машҳур бўлиб уйғонди. Кейинчалик у “Рембо” фильмида суратга тушади. Бундан ташқари, 2010 йилда у “Тутқич бермаслар” номли янги фильмлар туркумини ишга туширди, аммо унинг тўртинчи қисми кинопрокатда муваффақиятсизликка учради ва атиги 50 миллион доллар йиғди.

Арнольд Шварценеггер

Арнольд Шварценеггер културист сифатида ном қозонганидан сўнг, ўзига хос ролларни ижро эта бошлади. Кейинчалик ёш режиссёр Жеймс Кемерон Шварценеггерга терминатор ролини таклиф қилади, аммо Арнольд диалогсиз рол ижро этишни истамагани учун рад этади. Бироқ Кемерон Арнини ишонтира олади ва бу унинг карьерасидаги энг тўғри қарор бўлади. Кейинчалик Шварценеггер “Эгизаклар”, “Ҳаммасини эслаш”, “Коммандо” фильмларида суратга тушади. “Терминатор”нинг давомий қисмида катта гонорар олган актёр “Терминатор 3: машиналар қўзғолони”да янад кўпроқ пул ишлаб олади.

Жейсон Стейтем

Ёшлигида Жейсон Стейтем сузувчилик билан шуғулланган ва ҳатто терма жамоага қабул қилинган, кейинчалик эса моделлик қилиб, Томмй Ҳилфигер ва бошқа таниқли компаниялар билан ҳамкорлик қилган. Қизиқ томони шундаки, Стейтем “Карталар, пуллар, иккита тўппонча” фильмидаги илк ролини моделлик тажрибаси туфайли эмас, балки бир пайтлар бозорда ишлаган ва ўз қаҳрамонини ишончли тарзда гавдалантира олгани учун олган. Тўрт йилдан сўнг у “Юк ташувчи” фильмида рол ижро этиб, Голливудда жангари фильмлар актёри сифатида мустаҳкам ўрин эгаллади. Жейсон фильмографиясида “Адреналин”, “Механик”, “Айғоқчи”, “Мег: тубсизлик махлуқи” ва “Мег 2: тубсизлик”, “Инсон қаҳри”, “Асаларичи”, шунингдек, “Форсаж” туркумидаги бир нечта фильмлар мавжуд.

Лиам Нисон

Лиам Нисон аввало жанговар ва жиноий фильмлардаги роллари билан эсланади, бироқ карьерасининг илк даврида у “Шиндлер рўйхати” ва “Ҳақиқий муҳаббат” каби фильмлар орқали драматик жанрда ҳам ўзини кўрсатган эди. Аммо Нисон жангари фильмларга шунчалик берилиб кетдики, унинг машҳур “Шиндлер рўйхати” кам тилга олинадиган бўлиб қолди. У ўз фильмографиясини “Қор тозаловчи”, “Олишув”, “Профессионал”, “Сўнгги ёлланма аскар”, “Ҳаво маршали” ва “Соялар ўйини” каби фильмлар билан тўлдирди.

Жан-Клод Ван Дамм

Жан-Клод Ван Дамм турли ишларда ишлаётган пайтида, унга “Чекинмаслик ва таслим бўлмаслик” фильмида асосий роллардан бирини ўйнаш таклиф қилинади. Шундан сўнг у “Йиртқич” номли жанговар фильмда иштирок этади, бир йил ўтгач эса бутун ҳаётидаги асосий фильмга айланган “Қонли спорт”да суратга тушди. Кейинги бир неча йил ичида Жан-Клод “Ёлғиз бўри”, “Нишон”, “Қочишга жой йўқ”, “Кўча жангчиси”, “Универсал аскар” ва “Қўш зарба” фильмларида рол ўйнади. Аммо томошабинларнинг жанговар фильмларга қизиқиши пасайиши туфайли Ван Дамм ўзини бошқа йўналишларда излай бошлади. Шундай қилиб, 2008 йилда у “Ж.К.В.Д.” драматик жанговар фильмида рол ўйнаб, ўзини яна бир бор намоён қилишга муваффақ бўлди.