Сурияда террористик ташкилотга қўшилиб, жанговар тайёргарликдан ўтган андижонлик йигит қидирилмоқда, деб хабар бермоқда Андижон вилояти ҳокимлиги ахборот хизмати.
Хабарга кўра, Содиқов Муҳаммадсиддиқ 1996 йилда Андижон вилоятининг Шаҳрихон туманида туғилган. У отаси таъсирида диний мутаасиблашиб, отаси билан бирга Туркия орқали Суриянинг Идлиб шаҳридаги “Имом Бухорий катибаси” халқаро террористик ташкилотига қўшилиб, жанговар тайёргарликдан ўтган.
У ҳозирда Туркиянинг Истанбул шаҳрида “Жиҳодчилар” диний экстремистик оқими ғояларини тарғиб қилиш билан шуғулланиб, Ўзбекистон маданий таълим ва бирдамлик уйишмаси рўйхатидан ўтган ҳолда Содиқ Самарқандийга тегишли мадрасада таълим бериб келмоқда. Ҳуқуқ-тартибот идоралари томонидан олиб борилган тезкор қидирув тадбирлари натижасида унга нисбатан 2017 йилда Жиноят кодексининг 223-моддаси 2-қисми, 244-моддаси 1-қисми билан жиноят иши қўзғатилиб, қидирув эълон қилинган.
Изоҳ (0)