Сурияда жанговар ҳаракатларда иштирок этиб келаётган андижонлик эркак 2016 йилдан буён қидирилмоқда. Бу ҳақда Андижон вилояти ИИБ ахборот хизмати хабар берди.
Хабарга кўра, Қодиралиев Исломиддин 1992 йилда Андижон вилоятининг Избоскан туманида туғилган. У 2014 йил июнь ойида Россиянинг Екатеринбург шаҳрига мавсумий ишлаш мақсадида бориб, халқаро террористик ташкилот раҳнамоларининг таъсирига тушган ва яширин жамоатларда иштирок этган.
2015 йилларнинг бошларида у ердан Туркия орқали Сурияга ўтган ва жанговар ҳаракатларда қатнашган. Ҳуқуқ-тартибот идоралари томонидан олиб борилган тезкор қидирув тадбирлари натижасида фуқарога нисбатан 2016 йилда Жиноят кодексининг 155-моддаси (террорчилик ҳаракатини амалга ошириш мақсадида ўқувдан ўтиш, чиқиш ёки ҳаракатланиш), 159-моддаси (Ўзбекистоннинг конституциявий тузумига тажовуз қилиш) ҳамда 244-моддаси (диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш) билан Жиноят иши қўзғатилиб, қидирув эълон қилинган.
Изоҳ (0)