УЕФА Европанинг энг йирик клублари 2023/2024 йилги мавсумда футболчиларига қанча маош тўлагани бўйича ҳисоботни эълон қилди. Бу ҳақида Marca нашри хабар бермоқда.
Рўйхатда Парижнинг “ПСЖ” клуби етакчилик қилмоқда. Франция жамоаси ўтган мавсум футболчиларига 658 млн евро тўлаган. Иккинчи ўринни “Манчестер Сити” эгаллади – клубнинг умумий маош бюджети 554 млн евро бўлди. Учинчи ўринга эса Мадриднинг “Реал” клуби жойлашди. “Қироллик клуби” футболчиларга 505 млн евро маош тўлаган.
Энг кўп харажат қилган Топ-10 клублар орасида 6 та Англия, 2 та Испания, 1 та Франция ва 1 та Германия клуби бор.
2023/2024 йилги мавсумда энг кўп маош тўлаган клублар (УЕФА маълумотлари):
- “ПСЖ” – 658 млн евро
- “Манчестер Сити” – 554 млн евро
- “Реал Мадрид” – 505 млн евро
- “Барселона” – 476 млн евро
- “Ливерпуль” – 449 млн евро
- “Бавария” – 430 млн евро
- “Манчестер Юнайтед” – 429 млн евро
- “Челси” – 395 млн евро
- “Арсенал” – 381 млн евро
- “Астон Вилла” – 292 млн евро
Изоҳ (0)