ОЧЛ 2 мусобақасига қуръа ташланди. “Андижон”га Қатар, Баҳрайн ва Туркманистон клублари рақиблик қилади

Осиё Чемпионлар Лигаси 2 мусобақаси учун қуръа ташлаш маросими Куала-Лумпурдаги Осиё футбол конфедерацияси қароргоҳида бўлиб ўтди.

Қуръа натижаларига кўра, Ўзбекистон вакили “Андижон” клуби B гуруҳидан жой олди. У ушбу гуруҳда Қатарнинг “Ал-Аҳли”, Туркманистоннинг “Арқадағ” ва Баҳрайннинг “Ал-Ҳалдия” клублари билан куч синашади.

Шунингдек, Ўзбекистонлик футболчилар — Жалолиддин Машарипов ва Рустам Ашурматов тўп сурадиган Эроннинг “Истиқлол” клуби А гуруҳидан жой олди. Уларнинг рақиблари сифатида БААнинг “Ал-Васл”, Баҳрайннинг “Ал-Муҳаррақ” ва Иорданиянинг “Ал-Веҳдат” клублари белгиланди.

Криштиану Роналду бошчилигидаги Саудия Арабистонининг “Ан-Насср” клуби D гуруҳидан ўрин олди. Мусобақада риёдликларга Тожикистоннинг “Истиқлол”, Ироқнинг “Ал-Завра” ҳамда Ҳиндистоннинг “Гоа” жамоалари рақиблик қилади. 

Ғарбий минтақа

А гуруҳи

• “Ал-Васл” (БАА)
• “Истиқлол” (Эрон)
• “Ал-Муҳаррақ” (Баҳрайн)
• “Ал-Веҳдат” (Иордания)

B гуруҳи

• “Ал-Аҳли” (Қатар)
• “Андижон” (Ўзбекистон)
• “Арқадаг” (Туркманистон)
• “Ал-Ҳалдия” (Баҳрайн)

C гуруҳи

• “Фулад” (Эрон)
• “Ал-Ҳуссейн” (Иордания)
• “Моҳун Баган” (Ҳиндистон)
• “Аҳал” (Туркманистон)

D гуруҳи

• “Ан-Насср” (Саудия Арабистони)
• “Ал-Завра” (Ироқ)
• “Истиқлол” (Тожикистон)
• “Гоа” (Ҳиндистон)

Шарқий минтақа

E гуруҳи

• “Пекин Гоан” (Хитой)
• “Макартур” (Австралия)
• “Тай По” (Гонконг)
• “КАҲН” (Вьетнам)

F гуруҳи

• “Гамба Осака” (Япония)
• “Намдин” (Вьетнам)
• “Ратчабури” (Таиланд)
• “Истерн” (Гонконг)

Г гуруҳи

• “Бангкок” (Таиланд)
• “Селангор” (Малайзия)
• “Лион Сити” (Сингапур)
• “Персиб Бандунг” (Индонезия)

Ҳ гуруҳи

• “Поҳан Стилерс” (Жанубий Корея)
• “Патум Юнайтед” (Таиланд)
• “Кая” (Филиппин)
• “Тампинс” (Малайзия)

Фото: ОФК

Маълумот учун, Осиё Чемпионлар Лигаси 2 мусобақасининг 1-тур учрашувлари 16-17 сентябрь кунлари бўлиб ўтади.