“Ливерпуль” Англия Премьер Лигасининг 31-туридан ўрин олган “Фулҳэм”га қарши ўйинда (2:3) биринчи таймда 3 та гол ўтказиб юборди. Бу сўнгги тўрт йил ичида илк бор кузатилган ҳолат. Бу ҳақда Opta Sports статистик портали хабар берди.
Манбага кўра, “қизиллар” охирги марта бир таймда 3 та голни 2020 йил октябрь ойида “Астон Вилла”га қарши ўйинда ўтказиб юборган эди. Ўша баҳсда “Ливерпуль” 1:4 ҳисобида мағлуб бўлган.
Шунингдек, ушбу мағлубият мерсисайдликларнинг Англия чемпионатидаги 26 ўйинлик мағлубиятсиз сериясига чек қўйди. Арне Слот жамоаси сўнгги бор 2024 йилнинг 14 сентябрь куни “Ноттингем Форест”га имкониятни бой берган эди.
Эслатиб ўтамиз, “Фулҳэм” 31 турдан кейин 48 очко тўплаган ҳолда АПЛ турнир жадвалининг 8-поғонасида бормоқда. “Ливерпуль” эса 73 очко билан пешқадамликни сақлаб турибди.
Изоҳ (0)