Собиқ “Ливерпуль” бош мураббийи Юрген Клопп “Реал”нинг янги устозига айланиши мумкин. Бу ҳақда ТБР Football нашрига таяниб Спорт-Эхпресс хабар бермоқда.
Манбага кўра, мадридликлар Клопп номзодини Карло Анчелоттига идеал ўринбосар сифатида кўриб чиқмоқда. Чунки “қироллик клуби” раҳбарияти немис мутахассисини истеъдодли футболчилар билан ишлаш ва ёшларни ривожлантириш қобилиятига эга деб ҳисобламоқда.
Анчелоттининг “Реал” билан шартномаси 2026 йилнинг ёзига қадар амал қилади. Агар жамоа мавсум сўнггига қадар соврин қўлга кирита олмаса, италиялик мутахассис ишдан кетиши мумкин.
Ҳозирча Клопп мураббийлик фаолиятига қайтишга шошилмаётгани айтилмоқда. Бироқ “Реал”нинг таклифи унинг фикрини ўзгартириши мумкин.
Маълумот учун, 2015—2024 йиллар давомида Клопп “Ливерпуль”ни бошқарган ва жамоа билан Англия Премер Лигаси ҳамда Чемпионлар Лигаси ғолибига айланган. 2025 йил 1 январдан бошлаб эса у “Red Bull” компаниясида фаолият юритиб келмоқда.
Изоҳ (0)