“Liverpul” Angliya Premyer Ligasining 31-turidan o‘rin olgan “Fulhem”ga qarshi o‘yinda (2:3) birinchi taymda 3 ta gol o‘tkazib yubordi. Bu so‘nggi to‘rt yil ichida ilk bor kuzatilgan holat. Bu haqda Opta Sports statistik portali xabar berdi.
Manbaga ko‘ra, “qizillar” oxirgi marta bir taymda 3 ta golni 2020-yil oktyabr oyida “Aston Villa”ga qarshi o‘yinda o‘tkazib yuborgan edi. O‘sha bahsda “Liverpul” 1:4 hisobida mag‘lub bo‘lgan.
Shuningdek, ushbu mag‘lubiyat mersisaydliklarning Angliya chempionatidagi 26 o‘yinlik mag‘lubiyatsiz seriyasiga chek qo‘ydi. Arne Slot jamoasi so‘nggi bor 2024-yilning 14-sentyabr kuni “Nottingem Forest”ga imkoniyatni boy bergan edi.
Eslatib o‘tamiz, “Fulhem” 31 turdan keyin 48 ochko to‘plagan holda APL turnir jadvalining 8-pog‘onasida bormoqda. “Liverpul” esa 73 ochko bilan peshqadamlikni saqlab turibdi.
Izoh (0)