Футбол бўйича Англия Премьер Лигасининг қолдирилган 28-туридан ўрин олган ўйинлар 3 май, чоршанба куни бўлиб ўтди.
“Манчестер Сити” ўз майдонида “Вест Ҳэм”га қарши баҳс олиб борди. Учрашувнинг биринчи бўлимида 0:0 ҳисоби қайд этилди. Иккинчи бўлимда эса “шаҳарликлар” голлар шоусини намойиш этди. Дастлаб 50-дақиқада Натан Аке гол урган бўлса, 70-дақиқада Эрлинг Ҳоланд ўз ҳисобига гол ёздириб қўйди. 85-дақиқада Фил Фоден ҳисобни йирик кўринишга олиб келди.
“Ливерпуль” эса қолдирилган тур ўйинида “Фулҳэм”ни қабул қилди ва 1:0 ҳисобида зафар қучди. Мерсисайдликлар сафида ягона гол Муҳаммад Салоҳ ҳисобига ёзилди. Мисрлик футболчи 39-дақиқада пенальтини аниқ амалга оширди.
Пеп Гвардиола шогирдлари очколарини 79 тага етказди ва мусобақа пешқадамлигини қўлга олди. “Қизиллар” эса очколари сонини 59 тага етказди ва 5-поғонада бормоқда.
АПЛ
Қолдирилган 28-тур ўйинлари
3 май, чоршанба
“Манчестер Сити” – “Вест Ҳэм” 3:0
Голлар: 1:0 – 50 Аке, 2:0 – 70 Ҳоланд, 3:0 – 85 Фоден.
“Манчестер Сити”: Ортега, Уокер, Аке (Аканжи, 77), Рубен Диаш, Стоунз, Грилиш, Бернарду Сильва, Родри, Марез, Ҳоланд, Альварес (Фоден, 77).
“Вест Ҳэм”: Фабиански, Соуфал (Жонсон, 62), Огбонна, Керер, Крессуэлл, Эмерсон, Форналс, Лукас Пакета, Даунс, Боуэн (Бенраҳма, 79), Антонио (Ингз, 67).
Огоҳлантиришлар: Даунс (49).
“Ливерпуль” – “Фулҳэм” 1:0
Гол: 1:0 – 39 Салоҳ (пенальти).
“Ливерпуль”: Алиссон, Александер-Арнолд, ван Дейк, Konaте, Симикас (Робертсон, 66), Ҳендерсон, Фабиньо, Джонс (Милнер, 84), Салоҳ (Эллиотт, 84), Диас (Гакпо, 66), Нуньес (Диогу Жота, 83).
“Фулҳэм”: Лено, Соареш, Адарабиоё, Диоп, Робинсон, Керни (Декордова-Рид, 71), Уилсон (Кебано, 71), Лукич (Рид, 71), Палиня, Виллиан (Жеймс, 80), Винисиус (Соломон, 79).
Изоҳ (0)