“Ливерпуль” ҳужумчиси Муҳаммад Салоҳ Англия Премьер Лигасининг 29-тур доирасида “Астон Вилла”га қарши сафар учрашувида (2:2) гол ва голли узатма билан ажралиб турди ва янги тизимдаги Англия чемпионати рекордини ўрнатди.
У “Ливерпуль”нинг собиқ ҳужумчиси Луис Суаресни ортда қолдирди. Бу ҳақда Squawka портали хабар бермоқда.
Манбага кўра, Салоҳ 2024—2025 йилги мавсумда сафар ўйинларида 15-голини уриб, турнир тарихида ушбу кўрсаткич бўйича рекордчига айланди. Бунгача ушбу натижа уругвайлик ҳужумчи Луис Суаресга тегишли бўлиб, у 2013—2014 йилги мавсумда “Ливерпуль” сафида сафар ўйинларида 14 гол урган эди.
“Ливерпуль” март ойи ўртасида Англия Лига Кубоги финалида ўйнаши сабаб 29-тур баҳсини эртароқ ўтказди.
Жорий мавсумда Салоҳ клуб сафида жами 37 та ўйинда майдонга тушиб, 29 та гол ва 20 та голли узатма муаллифига айланди.
“Ливерпуль” 26 учрашувдан 61 очко тўплаб, АПЛ турнир жадвалида якка пешқадам бўлиб турибди.
Аввалроқ Арне Слот Дарвин Нуньес ўрнига 25 ёшли Исакни жамоаси сафида кўришни хоҳлаётгани хабар берилганди.
Изоҳ (0)