“Манчестер Сити” бош мураббийи Пеп Гваридола Англия Кубоги 1/8 финали доирасида “Плимут”га қарши ўйиндан аввал фикрларини билдирди.
Мураббий бундай ўйинлар хавфли бўлишини айтди.
“Чемпионшипда стандарт вазиятлар – асосий қурол. АПЛ ҳам бу борада улардан ўрганиши мумкин. Улар олдинда жуда агрессив тарзда ҳимояланишади. Чемпионшип, 1 ва 2-лигаларда стандарт вазиятлар асосий куч саналади. “Плимут” янги мураббий қўл остида анча яхши натижалар кўрсатмоқда. Охирги 10-11 ўйинда улар фақат уч марта мағлуб бўлди”, – дейди Гвардиола.
“Ман Сити” устози рақиб жамоа айнан ушбу турнирда “Ливерпуль”ни чиқариб юборганини эслаб ўтди.
“Шунинг учун жуда оғир баҳс кутяпман. Ўз майдонимизда ўйнашимиз – кичик бир устунлик, аммо биз бундай ўйинлар хавфли бўлишини биламиз. Бу жамоалар ўз услубида жуда кучли. Агар улар ўз кучли жиҳатларини кўрсата олиб, бизни бу борада ортда қолдиришса, қийинчиликлар бўлиши турган гап”, – деди испаниялиу мутахассис.
Учрашув бугун, 1 март куни соат 22:45 да бошланади.
Изоҳ (0)