Англия Премьер Лигасида 2022/23 йилги мавсум якунланди. 28 май куни мавсумнинг сўнгги тур ўйинлари ўтказилди.
Жон сақлаб қолиш учун кураш
Сўнгги турда лигани тарк этадиган учинчи жамоа номи аниқланиши керак эди. “Лестер” лигада қолиш учун ўз ўйинини ютиш билан бирга, “Эвертон”нинг “Борнмут”га ютқазишидан умид қилиши керак эди. “Лестер” вазифалардан бирини бажарди — мотивацияси “Вест Ҳэм” таслим этилди, бироқ “Эвертон” ҳам ғалаба қозонди ва “тулкилар” қуйи лигага равона бўлди.
Шу тариқа Англия олий дивизионида қаторасига 69 йилдан бери мунтазам қатнашиб келаётган “Эвертон” ўз сериясини сақлаб қолди. Бу борада фақат “Арсенал” (97) Ливерпуль клубидан яхшироқ натижага эга.
Олий дивизонда ҳаракат қилиш кўрсаткичи бўйича умумий рейтингда эса “Эвертон” етакчи ҳисобланади — 120 мавсум. Кейинги ўринлардан “Астон Вилла” (109), “Ливерпуль” (108) ва “Арсенал” (106) жой олган
“Лестер” эса эртакнамо чемпионликдан 7 йил ўтиб АПЛни тарк этмоқда.
Топ-4 ликдаги ягона интрига
Сўнгги тур олдидан топ-4 лик масаласида битта савол очиқ қолганди. 3-ўринни қайси жамоа эгаллайди: “Манчестер Юнайтед” ёки “Ньюкасл”?
Ўйинлар старт олгандан кейин 20 дақиқада давомида “ҳаккалар” 3-ўринда турди: “Ньюкасл” аввалига “Челси”га гол урди, “Юнайтед” эса “Фулҳэм”га қарши баҳсда ўз дарвозасидан тўп олиб чиқди. Бироқ якун бошқача бўлди, “Челси” мувозанатни тиклади, манкунианлар эса камбек амалга оширди.
“Тоттенҳэм” Еврокубоклардан четда қолди, Эмери ЕКЛда жавлон уради
Мавсумнинг сенсацияларидан бири “Тоттенҳэм”нинг Еврокубоклардан четда қолиши мумкин. Мавсум ўртасида ЕЧЛга даъвогар бўлиб турган клуб якунда 8-ўринга тушиб кетди ва келаси мавсумда Англиядан ташқарида ўйин ўтказиш имкониятини йўқотди.
Сўнгги тур олдидан кетма-кет икки ўйинни бой берган “шпорлар” 7-ўринга чиқиш учун ўз ўйинини ютган ҳолда, “Астон Вилла”нинг мағлубиятига умид қилишга мажбур эди. “Лидс” йирик ҳисобда мағлуб этилди (4:1), ўз навбатида Унаи Эмери бошчилигидаги бирмингемликлар “Брайтон”ни енгишга эришди (2:0).
Шундай қилиб “Тоттенҳэм” 14 йил деганда Еврокубокларда ўйнамайдиган бўлса. Стивен Жеррард истеъфоси вақтида 17-ўринда юрган “Астон Вилла” Эмери келгач сўнгги 13 йилдаги энг яхши натижасини қайд этган ҳолда Конференциялар Лигасига йўлланма олди.
Премьер Лига 2022/23 йилги мавсуми натижалари:
- Чемпион: “Манчестер Сити”
- ЕЧЛга йўл олганлар: “Манчестер Сити”, “Арсенал”, “Манчестер Юнайтед”, “Ньюкасл”
- Европа Лигасига йўл олганлар: “Ливерпуль”, “Брайтон”
- Конференциялар Лигасига йўл олганлар: “Астон Вилла”
- Лигани тарк этганлар: “Саутҳэмптон”, “Лидс”, “Лестер”
- АПЛга йўлланма олганлар: “Бёрнли”, “Шеффилд Юнайтед”, “Лутон Таун”.
Изоҳ (0)