АПЛ. “Ливерпуль” ва “Арсенал” ғалаба қозонди, “Эвертон” ўз уйида йирик ҳисобда мағлубиятга учради

Футбол бўйича Англия премер лигасининг биринчи тур учрашувларига старт берилди.

16 август, жума куни “Манчестер Юнайтед” жамоаси “Фулҳэм”га қарши баҳс олиб борди. Учрашув тақдирини “қизил иблислар” футболчиси Зиркзе томонидан 87-дақиқада урилган гол ҳал қилди. 

Шанба, 17 август куни бир нечта учрашувлар бўлиб ўтди. 

“Ипсвич” — “Ливерпуль” 0:2

22 йиллик танаффусдан сўнг Премьер Лигага қайтган “Ипсвич” “Ливерпуль”га етарлича қаршилик қилди. 

Биринчи бўлимда тенглик кузатилди ва икки жамоа ҳам дарвозага йўл топа олмади. Иккинчи бўлимда меҳмонлар ташаббусни ўз қўлига олди ва Салоҳнинг голи ҳамда ассисти эвазига 3 очкони қўлга киритди.

Қизиқарлиси, Арне Slot XXI асрда дебютида ғалаба қозонган “Ливерпуль”нинг биринчи мураббийига айланди.

Голлар: 1:0— Жота (60), 2:0—Салоҳ (65).

“Арсенал” — “Вулверҳемтон” 2:0

Чемпионликка асосий даъвогарлардан бири “Арсенал” ўз майдонида “Вулверҳэмптон” устидан ғалаба қозонди. Учрашувнинг 25-дақиқасида Ҳаверц ҳисобни очди унга Сака ҳаммуаллифлик қилди.

Иккинчи бўлимда Сака ҳисобни якуний—2:0 кўринишига олиб келди. Бу сафар унга Ҳаверц голли узатмани амалга оширди.

Голлар: 1:0—Ҳаверц (25), 2:0—Сака (74). 

Қолган натижалар: 

“Ньюкасл” — “Саутҳэмптон” 1:0

Гол: 1:0—Жоэлинтон (45).

“Эвертон” — “Брайтон” 0:3

Голлар: 0:1—Митома (26), 0:2—Уэлбек (56), 0:3—Адингра (87). 

“Ноттингҳем Форест” — “Борнмут” 1:1

Голлар: 1:0—Вуд (23), 1:1—Семенио (87).

“Вест Ҳем” — “Астон Вилла” 1:2

Голлар: 1:0—Онана (4), 1:1—Пакета (37, пенальти), 1:2—Дюран (79).

18 август куни турнинг қолган учрашувлари бўлиб ўтади. “Брентфорд” клуби ўз уйида “Кристал Пэлас”ни қабул қилади. Турнинг марказий учрашувида “Манчестер Сити” Лондоннинг “Челси” клуби билан баҳс олиб боради. 
“Лестер”—“Тоттенҳэм” жамоалари ўртасидаги учрашув душанба куни бўлиб ўтади.