Каталониянинг “Барселона” клуби “Ливерпуль” ҳужумчиси Луис Диас трансферидан воз кечди. Бу ҳақда Euro-Football нашри хабар бермоқда.
Манбага кўра, 28 ёшли футболчи бир неча йилдан бери каталонияликларнинг “шорт-листи”да бўлиб турибди, бироқ унинг трансфер нархи келишувни амалга оширишга тўсқинлик қилмоқда.
Marcaънинг хабар беришича, бу сафар ҳам вазият ўзгармаган: “Ливерпуль” ҳужумчи учун камида 75 миллион евро талаб қилмоқда, “Барселона” эса бу миқдорни тўлашга тайёр эмас. Чунки клуб колумбиялик футболчи харидини шошилинч эмас деб ҳисоблаяпти. Бундан ташқари, бош мураббий Ҳанси-Дитер Флик ҳам ҳужумчини таркибга қўшиш тарафдори эмаслигини билдирган.
“Ливерпуль” раҳбарияти футболчини кетишига қарши эмас. Агар харидор жамоа Диас учун белгиланган суммани тўласа, мерсисайдликлар раҳбарияти уни сотиб юборишга тайёр.
Маълумот учун, Луис Диас жорий мавсумда “Ливерпуль”нинг барча турнирлар доирасидаги 42 ўйинда майдонга тушиб, 13 гол ва 7 голли узатма муаллифига айланган. Футболчининг клуб билан шартномаси 2027 йилга қадар амал қилади.
Изоҳ (0)