Ажойиб фильм томоша қилаётиб, тушуниб етдим деб ўйлаганингизда кутилмаган сюрприз тақдим этилишидан кўра ҳаяжонлироқ нарса йўқ. Ҳатто фильм ўзи яхши бўлса ҳам, айнан кутилмаган бурилишлар одатда хотирамизда узоқ вақт сақланиб қолади.
“Ташвишланма, азизам” (2022)
“Ташвишланма, азизам” — Флоренс Пю, Гарри Stayлс ва Крис Пайн бош ролларда иштирок этган психологик триллер. Унда 1950 йилларда чекка шаҳарчада яшовчи ёш уй бекаси ҳақида ҳикоя қилинади. 1950 йиллар муҳити, даҳшатли сюжет ва кутилмаган бурилиш туфайли мазкур фильм “Қоронғи ҳудуд”га ўхшаб кетади.
“Солтберн”, (2023)
Бош ролларда Барри Кеоган ва Жейкоб Элорди. “Солтберн” фильми Оливер (Кеоган) исмли одамови талабанинг бойвачча синфдошининг ҳашаматли дунёсига тушиб қолиши ҳақида ҳикоя қилади. “Солтберн” 2023 йилнинг энг кўп муҳокама қилинган фильмларидан бирига айланди. Бу қисман кўплаб ҳайратланарли ва ғайриоддий кадрлар ва сюжетдаги кутилмаган бурилиш туфайли содир бўлди.
“Руҳ йиғувчи” (2024)
“Руҳ йиғувчи” фильми Николас Кейжнинг кенг тарғиб қилинган ва таъсирчан ижроси туфайли 2024 йилнинг энг шов-шувли ваҳимали фильмларидан бирига айланди. Фильм воқеалари 1990 йилларда кечади. Воқеалар марказида ФҚБ агенти Ли Харкер (Майка Монро) туради. Унга фақат Узуноёқ лақаби билан танилган серияли қотилни излаб топиш вазифаси юклатилган.
“Конклав” (2024)
“Конклав” фильми 2024 йилги “Оскар” мукофотининг асосий номзодларидан бирига айланди ва 8 та номинацияга сазовор бўлди. Кардинал Лоуренс (Рейф Файнс) янги Рим папасини сайлаш вазифасини олганда, у черков номзодларидан бири билан боғлиқ фитнани фош этади.
“Ҳамроҳ”, (2025)
“Ҳамроҳ” — таътил кунларини ўтказиш учун кетган жуфтлик ва уларнинг дўстлари ҳақидаги илмий-фантастик қўрқинчли фильм. Фильм трейлеридан маълум бўлишича, улардан бири Айрис (Софи Тетчер) исмли қиз аслида робот.
“Каскадёрлар” (2024)
Фильмда кинематографиянинг эътибордан четда қолган жиҳати — каскадёрлар ҳақида ҳикоя қилинади. Каскадёр Колт Сиверс (Райан Гослинг) ўзининг собиқ севгилисининг режиссёрлик дебюти устида ишлаётганида фитнага аралашиб қолади.
“Тузоқ” (2024)
Режиссёр М. Найт Шямалан фильмларидаги кутилмаган сюжет бурилишлари билан машҳур бўлиб, “Тузоқ” фильми ҳам бундан мустасно эмас. 2024 йилда экранларга чиққан бу асар М. Найтнинг энг сўнгги фильми ҳисобланади. Унда шаҳар чеккасида яшовчи ота (Жош Ҳартнетт) ўсмир қизини поп юлдузининг концертига олиб боради ва айнан шу ерда ФҚБ махфий тарзда қотилни қидираётган бўлади.
Шямалан ўзининг анъанавий услубига содиқ қолган ҳолда, кутилмаган ечимли фильм яратган. Дастлаб аниқ кўринган воқеалар кейинчалик бошқача талқин этилиши мумкин. Якуний сир-синоатлар шахсий вазиятда очилади. Бу эса фильм бошида яратилган тарангликни охиригача сақлаб қолиш имконини беради.
Изоҳ (0)