Арманистонда ҳарбий хизмат ва ҳарбий ўқув йиғинларидан бош тортганлик учун жазони оғирлаштириш режалаштирилмоқда. Жиноят кодексига тегишли ўзгартиришлар киритиш лойиҳаси ҳукумат мажлисида маъқулланди.

Чақирувдан бош тортганлик учун қамоқ муддатини (Арманистон Жиноят кодексининг 461-моддаси 1-қисми бўйича) 2-5 йилдан 3-6 йилгача, ҳарбий ўқув йиғинларидан бош тортганлик учун эса (462-модданинг 1-қисми) бир йилдан 3 йилгача (ҳозирги қонунда 2 йилгача) узайтириш таклиф этилмоқда.
Адлия вазирлиги томонидан тайёрланган қонун лойиҳаси парламентга кўриб чиқиш учун юборилади.
Адлия вазирлиги қонун лойиҳасига берган изоҳида чақирувдан бош тортиш ҳолатлари кўпайганини таъкидлаган (2023 йилда бу бўйича 1 499 та, 2025 йилда эса 1 779 та жиноят иши қўзғатилган).
Изоҳ (0)