Коста Рика АҚШдан оиласи билан депортация қилинган марказий осиёлик ва жанубий кавказлик мигрантларнинг биринчи гуруҳини қабул қилди. Бу ҳақда Reuters хабар берди.
Ноқонуний мигрантларни қабул қилиш Вашингтон билан тузилган келишув доирасида амалга ошган. Унга кўра, 200 нафаргача депортация қилинганлар Коста Рикадаги мигрантларни сақлаш марказида бўлади. Муҳожирларга у ерда бир ой қолишга рухсат берилади. Шу вақт мобайнида расмийлар уларнинг ўз ватанларига ихтиёрий қайтишини мувофиқлаштиради. Буни Сан-Хосе аэропортида журналистларга хавфсизлик вазири ўринбосари Омер Бадилла маълум қилди.
Уларнинг аксарияти ўз мамлакатларига қайтишни хоҳлайди, деди Бадилла ва қайтишни истамайдиганлар иши алоҳида кўриб чиқилишини айтди.
Коста Рикага келганлар орасида Ўзбекистон, Хитой, Арманистон, Туркия, Афғонистон, Россия, Грузия, Вьетнам, Озарбайжон, Эрон, Иордания, Қозоғистон ва Гана фуқаролари бор.
Улар қаерда бўлишидан қатъи назар ёрдам кўрсатилади — ТИВ АҚШдан депортация қилинадиганлар ҳақида
Вазирликка кўра, Ўзбекистон ўз фуқароларининг ватанга хавфсиз депортациясини таъминлаш учун АҚШ билан яқиндан ҳамкорлик қилиб келмоқда. Ўзаро келишувларга асосан, Америка томони депортация қилинадиган фуқароларининг ҳар бир ҳолати ҳақида тезкорлик билан хабардор қилади. Ўрнатилган амалиётга кўра, фуқаролар ватанга Нью Йорк-Тошкент йўналиши орқали қайтади.
“ОАВда Ўзбекистон фуқароларининг бошқа давлатларга депортация қилиниши мумкинлиги ҳақидаги маълумотларни кузатиб боряпмиз. Ушбу масала юзасидан дипломатик ваколатхоналаримиз Америка томонидан бошқа давлатларга депортация қилиниши мумкинлиги ҳақида маълумот беришни сўраб мурожаат қилди. Бундан ташқари, бу борада Лотин Америкаси давлатлари билан дипломатик каналлар орқали ҳам алоқалар ўрнатилган”, деди матбуот котиби Аҳрор Бурҳонов.
АҚШ 970 дан ортиқ Ўзбекистон фуқаросини депортация қилади
Депортация қилинадиган Ўзбекистон фуқаролари сони 975 кишини ташкил этмоқда. Иммиграция ва божхона хизмати 2024 йил ноябрь ойидаги ҳисоботни тадқим этди. Умумий ҳисобда, турли давлатлардан 1 445 549 нафар чет эл фуқароси чиқариб юборилади.
Улар ҳибсга олинмаган, бироқ депортация қилиш бўйича якуний қарор қабул қилинган. Бундан ташқари, рўйхатда аллақачон мавжуд бўлмаган давлатлар — СССР ва Югославия ҳам келтирилган. Ушбу паспортларга эга бўлган шахслар айнан қайси давлатга юборилиши номаълум.
Депортация қилинадиганлар орасида Мексика (252 044), Гватемала (253 413), Гондурас (261 651) ва Эл-Салвадор (203 822 киши) еткачилик қилмоқда
Изоҳ (0)