Коллектив Хавфсизлик Шартномаси Ташкилотига (КХШТ) янги аъзоларни киритиш масаласи муҳокама қилинмаяпти, уюшмани кенгайтириш бўйича қадамлар унинг самарадорлигини оширишга хизмат қилиши керак, деди бош котиб Станислав Зас «РИА Новости» агентлигига.
«Йўқ, ҳозир бу масала муҳокама қилинмаяпти. Унга соддалаштирилган тарзда ёндашишнинг ҳам ҳожати йўқ, сон ортидан қувишнинг кераги йўқ. Сон учун эмас, сифат учун ишлашимиз керак», — дейди Зас.
КХШТ Евросиёдаги ҳукуматлараро ҳарбий иттифоқ бўлиб, унга ҳозирда Арманистон, Беларусь, Қозоғистон, Қирғизистон, Россия ва Тожикистон киради. Коллектив хавфсизлик шартномаси 1992 йил 15 майда имзоланган.
КХШТнинг мақсадлари тинчлик, халқаро ва минтақавий хавфсизлик ва барқарорликни мустаҳкамлаш, ташкилотга аъзо давлатларнинг мустақиллиги, ҳудудий яхлитлиги ва суверенитетини коллектив асосда ҳимоя қилишдан иборат.
Арманистон ва Озарбайжон ўртасидаги можаронинг кескинлашуви ва КХШТнинг вазиятни ҳарбий йўл билан ҳал қилиш вариантини қўллаб-қувватламагани фонида Ереваннинг ҳам альянсдан чиқиши ҳақида хавотирлар пайдо бўлди. Республикада шундай чақириқлар билан норозилик намойишлари ҳам ўтказилди.
Изоҳ (0)