Ranking прогнозларига кўра, 2025 йилда дунё бўйича 63,1 миллион киши вафот этиши мумкин.
2024 йилда жаҳонда 62,4 миллион киши вафот этди, Бу 2023 йилга нисбатан 1,2 фоизга кўп (61,7 миллион киши). Прогнозларга кўра, 2025 йилда йиллик ўсиш суръати 1,2 фоизни ташкил этган ҳолда ўлимлар сони 63,1 миллионга етиши кутилмоқда.
Мамлакатлар кесимида олганда Ўзбекистонда ўлимлар сони 2025 йилда 223,9 минг кишини ташкил этиши тахмин қилинмоқда.
Прогнозларига кўра, МДҲ мамлакатлари орасида энг кўп ўлим Россияда қайд этилади: 1,9 миллион киши. Ундан кейинги ўринларда Украина (520,2 минг киши), Қозоғистон (140,6 минг киши), Беларусь (119,1 минг киши), Озарбайжон (70,1 минг киши), Туркманистон (44,8 минг киши), Қирғизистон (44,1 минг киши), Молдова (42 минг киши) ва Арманистон (27,7 минг киши).
Макроминтақалар кесимида энг кўп ўлим Осиёда бўлиши кутилмоқда: 34,7 миллион киши. Иккинчи ўринда Африка (11,7 миллион киши), учинчи ўринда Европа (8,5 миллион киши) бўлади. Америкада 7,9 миллион, Океанияда эса 317,8 минг ўлим кутилмоқда.
Прогнозларга кўра, 2025 йилда 34,1 миллион нафар эркак ва 29,1 миллион нафар аёл вафот этади. Эркакларнинг тахминий ўлим кўрсаткичи аёлларга нисбатан 17,3 фоиздан ортиқ бўлмоқда.
Олимларнинг тахминига кўра, 2100 йилга бориб дунёда вафот этганлар сони 122,9 миллион кишига етади. Бу 2024 йилдаги кўрсаткичдан 97 фоизга кўпдир.
Айни пайтда Ўзбекистонда доимий аҳоли сони 37,5 миллион кишидан ошди. Статистика агентлиги маълумотларига кўра, Ўзбекистонда ўртача умр кўриш давомийлиги 74,3 ёшни ташкил этади. Мамлакатда ўлим ҳолатларининг ярмидан кўпи қон айланиш тизими касалликлари сабаб юз бермоқда.
Изоҳ (0)