Арманистон ҳозирда КХШТнинг барча органларидаги иштирокини музлатиб қўйди. Бу ҳақда мамлакат бош вазири Никол Пашинянга таяниб, APА хабар берди.
Биз КХШТнинг барча органларидаги фаолиятимизни музлатиб қўйдик ва ҳозирги босқичда буни етарли деб ҳисоблаймиз. Эндиликда бошқача қарор қабул қилиш заруратини кўрмаяпмиз, аммо бу келажакда бошқа қарор қабул қилмаслигимизни англатмайди, деган у.
Пашинян 2024 йилнинг 12 июнь куни Арманистон КХШТдан чиқишини маълум қилганди.
Чиқамиз. Қачон чиқишни ўзимиз ҳал қиламиз. Сизнингча, кейинги қадамимиз қандай бўлиши керак? Ахир орқага қайтмаймиз-ку! Бошқа йўлимиз йўқ, дея таъкидлаган у.
Сиёсатчи мамлакатнинг собиқ ҳукуматини ўз шартномавий мажбуриятларини бажармаётган “пуфаксимон иттифоқ”қа (КХШТни назарда тутган) киргани учун айблаган.
Арманистон ва Коллектив хавфсизлик шартномаси ташкилоти муносабатлари
2023 йил январь ойида Арманистонда КХШТ машғулотлари бекор қилинган. Шундан сўнг улар Қирғизистонда амалга оширилган. Ўтган йилнинг ноябрь ойида Минскда ташкилотнинг саммити бўлиб ўтган, унда арман вакилларидан ҳеч бири иштирок этмаган. Бош котиб Имангали Тасмагамбетов Арманистон ташкилотдан чиқиш ниятида эмаслигини айтган.
Арманистон бош вазири Никол Пашинян КХШТдан чиқиш ҳақида гап йўқлигига ишонтирган, бироқ у мамлакат янги ҳамкорлар излаётганини ҳам таъкидлаган. 22 февраль куни Пашинян ўз мамлакатининг КХШТдаги иштироки музлатилганини эълон қилди. Шу йилнинг июнь ойида Арманистон ташкилотдан чиқиши мумкинлиги маълум бўлди.
Изоҳ (0)