“Манчестер Сити” афсонаси Серхио Агуэро португалиялик ҳужумчи Криштиану Роналдуни тарихдаги энг буюк футболчилардан бири сифатида тан олса-да, ундан устунроқ деб ҳисоблаган тўрт нафар футболчи номини айтди.
Агуэро учун дунёнинг энг яхши футболчиси – Лионель Месси. У Месси ва Диэго Марадонани таққослашдан қочиб, иккисини ҳам ўз даврининг энг яхшиси деб ҳисоблаш кераклигини таъкидлаган.
Мен ҳеч қачон бундай таққослашларни ёқтирмаганман. Биз, аргентиналиклар, Диэгони ҳам, Леони ҳам тарихдаги энг яхши футболчилар сифатида тан олишимиз керак, дейди Агуэро.
Бундан ташқари, аргентиналик собиқ ҳужумчи бразилиялик Роналдо Назариони ўзининг карьерасига катта таъсир кўрсатган футболчи деб атаган:
Мени энг кўп илҳомлантирган футболчи – бразилиялик Роналдо.
Агуэро Роналдиньонинг “Жога Бонито” услубини (ушбу услуб асосан техник маҳорат, креативлик, дрибблинг ва ҳужумкор ўйинга асосланади) ҳам юксак баҳолаган ва уни энг иқтидорли футболчилардан бири сифатида эътироф этган.
Шу тариқа, Агуэро ўзининг кучли тўртлигига Месси, Марадона, Роналдо Назарио ва Роналдиньони киритган. У Криштиану Роналдуни бу рўйхатга қўшмаган.
Изоҳ (0)