“Ливерпуль” клуби ҳужумчиси Муҳаммад Салаҳ Англия Премер-лигасида ноябрь ойининг “энг яхши футболчиси” деб топилди.
Футболчи ўтган ойда жамоаси билан АПЛ доирасидаги 3 та ўйинда майдонга тушди. Учрашувларнинг барчасида Slot шогирдлари ғалаба қозонган.
Салаҳ баҳсларда 4 та гол уриб, битта голли узатмани амалга оширган.
Мисрлик футболчи фаолияти давомида 6 марта ушбу совринга эга чиқди. Бу борада эса у Стивен Жеррард ва Криштиану Роналду билан тенглашиб олди.
Серхио Агуэро ва Ҳарри Кейн эса 7 мартадан ойнинг “энг яхши футболчиси” деб топилган.
Маълумот учун, Салаҳ жорий мавсум 14 ўйинда 13 та гол ва 8 та голли узатма муаллифи бўлган.
Изоҳ (0)