Халқаро футбол тарихи ва статистикаси федерацияси (IFFHS) XXI асрда миллий лигаларда энг кўп гол урган футболчилар рейтингини эълон қилди.
Унда XXI асрда урилган голлар инобатга олинди. Рейтингни «Манчестер Юнайтед» ҳужумчиси Криштиану Роналду (487 та гол) бошқариб бормоқда.
«ПСЖ» футболчиси Лионель Месси эса иккинчи ўринга жойлашган бўлиб, унинг ҳисобида 475 та гол бор. Кучли учликни «Милан» ҳужумчиси Златан Ибрагимович (392) якунлаб берган.
Рўйхатдан ўзбекистонлик футболчилар ҳам ўрин олган. Анвар Бердиев 225 та гол билан (ХХ асрда 61, XXI асрда 164) 71-ўринни ва Зафар Холмуродов 200 та голи билан (49, 151) 83-ўринларни эгаллаган.
Қайд этиш керак, Бердиев ва Холмуродов ХХ ва XXI асрдаги голлар сони ҳисобланган қўшимча рўйхатга киритилган.
Топ-10 лик билан танишинг:
1. Криштиану Роналду —487 та гол
2. Лионель Месси — 475
3. Златан Ибраҳимович — 392
4. Луис Суарес — 352
5. Роберт Левандовски — 328
6. Александр Дурич — 304
7. Али Ашфак — 290
8. Хосе Кастилё — 288
9. Мартин Камбуров — 288
10. Серхио Агуэро — 282
Изоҳ (0)