Футбол бўйича Европа Чемпионлар Лигаси 1/8 финалида “ПСЖ” “Реал Сосьедад” устидан 2:0 ҳисобида ғалаба қозонди.
Учрашувнинг 58-дақиқасида парижликлар ҳужумчиси Килиан Мбаппе ҳисобни очди ва турнирдаги 44-голига муаллифлик қилди.
Шу тариқа 25 ёшли форвард Чемпионлар Лигаси тарихидаги энг яхши тўпурарлар рўйхатида Неймар ва Алессандро дел Пьерони ортда қолдириб, Дидье Дрогбага етиб олди.
ЕЧЛ тарихидаги энг яхши тўпурар Криштиану Роналду ҳисобланади. У турнирда 141 та голга муаллифлик қилган. 2-ўриндаги Лионель Месси ҳисобида эса 129 та гол мавжуд.
Чемпионлар Лигасининг энг яхши тўпурарлари:
1. Криштиану Роналду — 141 та гол;
2. Лионель Месси — 129;
3. Роберт Левандовски — 92;
4. Карим Бензема — 90;
5. Рауль Гонсалес — 71;
6. Рууд ван Нистелроой — 60;
7. Андрей Шевченко — 59;
8. Томас Мюллер — 53;
9. Терри Анри — 51;
10. Филиппо Инзаги — 50;
11. Златан Ибраҳимович — 49;
11. Альфредо ди Стефано — 49;
13. Муҳаммад Салоҳ — 48;
14. Эйсебио — 47;
14. Серхио Агуэро — 47;
16. Дидье Дрогба — 44;
16. Килиан Мбаппе — 44;
18. Неймар — 43;
18. Алессандро дел Пьеро — 43;
20. Эрлинг Ҳоланд — 40.
Изоҳ (0)