“Ливерпуль” ҳужумчиси Муҳаммад Салоҳ кеча, 20 октябрь куни “Челси” билан АПЛ доирасида бўлиб ўтган учрашувда (2:1) гол ва голли узатмага муаллифлик қилди.
32 ёшли мисрлик футболчи ўйиннинг 29-дақиқасида пенальтини аниқ амалга ошириб, ҳисобни очди. 51-дақиқада ҳужумчи якуний ҳисобни ўрнатган Кертис Жонснинг голига ҳаммуаллифлик қилди. Бу эса унга “Манчестер Сити”нинг собиқ ҳужумчиси Серхио Агуэродан ўтиб кетиш имконини берди.
Ҳозирда футболчи АПЛда “Ливерпуль” сафида 232 та самарали ҳаракат қилган — 160 та гол ва 72 та голли узатма. Салоҳ битта клуб таркибида Англия чемпионатида гол+пас тизимидан энг кўп очко тўплаган футболчилар рўйхатида олтинчи ўринни эгаллади. Агуэро ҳисобида 231 очко бор.
Салоҳнинг навбатдаги мақсади Фрэнк Лэмпард. “Челси”нинг собиқ сардори 237 очко тўплашган эришган. Ушбу рўйхатда Уэйн Руни 276 очко билан биринчи ўринда.
Жорий мавсумда мисрлик футболчи Премьер Лиганинг саккизта учрашувида бешта гол урди ва шунча бор голли узатмани амалга оширди.
Изоҳ (0)