Собиқ футболчи Жон Терри ва Энди Коул АПЛ шон-шуҳрат залидан жой олди

Собиқ футболчилар Энди Коул ва Жон Терри Премьер Лиганинг шон-шуҳрат залига киритилди.

Англия Премьер Лигасининг 5 каррадан ғолиблари Энди Коул (“Манчестер Юнайтед”) ва Жон Терри (“Челси”) шон-шуҳрат залидан жой олди.

Улар мухлисларнинг овози ҳамда Премьер Лига комиссияси аъзолари овозлари бирлаштирилганидан сўнг, 15 нафар собиқ футболчи орасидан танлаб олинди.

Терри ва Коул жорий йил шон-шуҳрат залидан жой олган 23 ҳамда 24-футболчига айланди.

“Бунинг учун барчадан миннатдорман. Майдонда боримни бериб, ҳаракат қилганман ва бу эътирофдан фахрланаман.

Кийим алмаштириш хонасида жуда кўп юқори даражадаги футболчилар билан билан бир қаторда туришга муваффақ бўлдим. “Челси” каби жамоанинг сардори бўлиш бахтига сазовор бўлдим”, — дейди Жон Терри. 

АПЛнинг шоҳ-шуҳрат залига лига ташкил этилган (1992) йилдан бошлаб, муваффақиятга эришган ва Премьер Лига ривожига ҳисса қўшган футболчилар киритилади. 

2021 йилдан буён шон-шуҳрат залидан Алан Ширер, Терри Анри, Эрик Кантона, Рой Кин, Фрэнк Лэмпард, Дэннис Бергкамп, Стивен Жеррард, Девид Бекҳэм, Пол Скоулз, Дидье Дрогба, Венсан Компани, Серхио Агуэро, Патрик Виэйра, Уэйн Руни, Иан Райт, Петер Шмейхель, Алекс Фергюсон ва Арсен Венгер каби собиқ футболчи ва мураббийлар жой олган.